శామీర్ పేట, వెలుగు: మేడ్చల్ జిల్లా శామీర్ పేట సీఐ శ్రీనాథ్పై ఓ వ్యక్తి హెచ్ఆర్సీలో ఫిర్యాదు చేశాడు. పాతకక్షలతో ఓ వ్యక్తి తనతోపాటు కుటుంబంపై తరచూ దాడులు చేస్తున్నారని ఫిర్యాదు చేస్తే పట్టించుకోకుండా తిరిగి తననే బెదిరిస్తున్నాడని ఆరోపించారు.
బాధితుడి వివరాల ప్రకారం.. శామీర్పేటకు చెందిన వరికుప్పల విజేందర్ అదే గ్రామానికి చెందిన దండుగుల మైసయ్యపై గత డిసెంబర్ 27న ఫిర్యాదు చేశాడు. అనుచరులతో తన ఇంటికి వచ్చి తన కుటుంబసభ్యులను కాళ్లతో తన్ని, అసభ్యపదజాలంతో దూషించాడని సీఐ శ్రీనాథ్కు ఫిర్యాదు చేశాడు.
అయితే, నిందితులపై ఎస్ఐ ఎలాంటి చర్యలు తీసుకోకపోగా మొదట కంప్లైంట్ చేసిన తనపైనే తిరిగి ఎఫ్ఐఆర్ నమోదు చేశాడని హెచ్ఆర్సీలో ఫిర్యాదు చేశాడు. బాధ్యులపై ఎఫ్ఐఆర్ నమోదుకు ఆదేశించి, తన కుటుంబాన్ని రక్షణ కల్పించాలని కోరాడు.
