మహబూబ్నగర్ రూరల్, వెలుగు: తనకు అవకాశం ఇచ్చి సేవ చేసే భాగ్యం కల్పించాలని మహబూబ్నగర్ బీజేపీ అభ్యర్థి ఏపీ మిథున్ రెడ్డి ఓటర్లను కోరారు. కోటకదిర గ్రామం బీజేపీకి కంచుకోటలా మారాలన్నారు. మహబూబ్నగర్ రూరల్ మండలంలోని మన్యంకొండ, ఓబులాయపల్లి, ఓబులాయపల్లి తండా, కోటకదిర, పోతన్పల్లి గ్రామాల్లో ఆదివారం ఆయన ఎన్నికల ప్రచారం నిర్వహించారు. అంతకుముందు మన్యంకొండ ఆలయాన్ని మిథున్ రెడ్డి, రిషిక దంపతులు దర్శించుకొని ప్రత్యేక పూజలు చేశారు.
నియోజకవర్గంలోని ప్రజలంతా సంతోషంగా ఉండాలని వేంకటేశ్వరస్వామిని కోరుకున్నట్లు మిథున్రెడ్డి చెప్పారు. కాగా జిల్లా కేంద్రంలోని బాయ్స్ కాలేజ్ గ్రౌండ్లో మార్నింగ్ వాకర్స్తో మాట్లాడారు. తనకు ఓటు వేసి గెలిపించాలని కోరారు. ఈ సందర్భంగా సైక్లింగ్ చేస్తూ ఓటర్లను ఆకట్టుకునే ప్రయత్నం చేశారు. రూరల్ మండలంలోని హోటల్ వద్ద పూరీలు చేశారు.
