- ప్రయాణికుడు మరిచిపోయిన ల్యాప్ టాప్ అప్పగింత
కరీంనగర్ టౌన్, వెలుగు : కరీంనగర్1 డిపోలో కండక్టర్ గా విధులు నిర్వహిస్తున్న పి.కనకయ్య తన నిజాయతీని చాటుకున్నాడు. ఆదివారం ఉదయం సికింద్రాబాద్ జేబీఎస్ నుంచి కరీంనగర్ కు ఆర్టీసీ బస్సులో జర్నీ చేసిన ఓ ప్రయాణికుడు తన ల్యాప్ టాప్ ను బస్సులో మరిచిపోయి దిగి వెళ్లిపోయాడు.
కండక్టర్ గమనించి ఆ ల్యాప్ టాప్ ను తీసుకొని 1 డిపో పోలీసులకు అప్పగించాడు. అనంతరం ఆ ప్రయాణికుడు డిపోకు వచ్చి విచారించగా పోలీసులు అతనికి ల్యాప్ టాప్ ను తిరిగి ఇచ్చారు. దాని విలువ రూ.70 వేలని ఆ ప్రయాణికుడు తెలిపాడు. నిజాయతీని చాటుకున్న కండక్టర్ కనకయ్యను ల్యాప్ టాప్ యజమాని, పోలీసులు అభినందించారు.
