హైదరాబాద్: ఉమ్మడి కరీంనగర్, నిజామాబాద్, ఆదిలాబాద్, మెదక్ గ్రాడ్యుయేట్ ఎమ్మెల్సీ ఎన్నికకు కాంగ్రెస్ తమ పార్టీ అభ్యర్థిని ప్రకటించింది. ఆల్పోర్స్ విద్యాసంస్థల అధినేత వావిలాల నరేందర్ రెడ్డిని ఎమ్మెల్సీ క్యాండిడేట్గా ఖరారు చేసింది. ఈ మేరకు పార్టీ ప్రధాన కార్యదర్శి కేసీ వేణుగోపాల్ 2025, జవనరి 31న ఆదేశాలు జారీ చేశారు. ప్రస్తుతం ఈ స్థానం నుంచి కాంగ్రెస్ సీనియర్ నేత జీవన్ రెడ్డి ఎమ్మెల్సీగా ఉన్నారు. వచ్చే ఎన్నికల్లో ఆయన పోటీ చేయడానికి ఆసక్తి చూపకపోవడంతో నరేందర్ రెడ్డికి లైన్ క్లియర్ అయ్యింది. కాంగ్రెస్ టికెట్ దక్కుతుందని నమ్మకంతో అధికారిక ప్రకటన కంటే ముందే ఆయన ప్రచారం మొదలు పెట్టారు.
ALSO READ | పార్టీ ఫిరాయింపులు.. తెలంగాణ స్పీకర్పై సుప్రీం కోర్టు సీరియస్
ఆయన అంచనాల మేరకు పార్టీ అధిష్టానం నరేందర్ రెడ్డికే టికెట్ కేటాయించింది. కరీంనగర్– నిజామాబాద్– ఆదిలాబాద్– మెదక్ గ్రాడ్యుయేట్ ఎమ్మెల్సీ స్థానానికి బీజేపీ తమ పార్టీ అభ్యర్థిగా సి.అంజిరెడ్డి పేరును ఇప్పటికే ప్రకటించిన విషయం తెలిసిందే. ప్రతి పక్ష పార్టీ, ఉత్తర తెలంగాణలో గట్టి పట్టున్న బీఆర్ఎస్ మాత్రం ఎమ్మెల్సీ ఎన్నికల్లో పోటీపై ఆసక్తి చూపడం లేదు. కాంగ్రెస్, బీజేపీ అభ్యర్థులను ప్రకటించి ప్రచారం మొదలుపెట్టగా.. బీఆర్ఎస్ మాత్రం సైలెంట్గా ఉంది. బీఆర్ఎస్ ఎమ్మెల్సీ ఎన్నికల రేసుకు దూరంగా ఉండే అవకాశాలే ఎక్కువగా కనిపిస్తుండటంతో.. కాంగ్రెస్, బీజేపీ మధ్య ప్రధాన పోరు ఉండనున్నట్లు తెలుస్తోంది.
కాగా, రాష్ట్రంలో 3 ఎమ్మెల్సీ స్థానాలకు ఇప్పటికే ఎన్నికల నగారా మోగిన విషయం తెలిసిందే. ఒక గ్రాడ్యుయేట్, 2 టీచర్ఎమ్మెల్సీ ఎలక్షన్స్కు షెడ్యూల్రిలీజ్అయింది. ఖాళీగా ఉన్న ఈ 3 స్థానాలకు 2025, ఫిబ్రవరి 27న ఎలక్షన్ నిర్వహించనున్నట్టు కేంద్ర ఎన్నికల సంఘం (సీఈసీ) ప్రకటించింది. ఈ మేరకు బుధవారం ఎలక్షన్షెడ్యూల్రిలీజ్చేసింది. వరంగల్– - ఖమ్మం–- నల్లగొండ ఉపాధ్యాయ, మెదక్– - నిజామాబాద్– -ఆదిలాబాద్ –కరీంనగర్ ఉపాధ్యాయ, మెదక్– - నిజామాబాద్– - ఆదిలాబాద్ –- కరీంనగర్ పట్టభద్రుల స్థానానికి ఎన్నికలు నిర్వహించనున్నారు. ఫిబ్రవరి 3న నోటిఫికేషన్ విడుదల చేయనున్నట్టు ఈసీ ప్రకటించింది. ఫిబ్రవరి 10 నామినేషన్లకు చివరి తేదీగా ప్రకటించింది. ఫిబ్రవరి 13 వరకు నామినేషన్ల ఉపసంహరణకు అవకాశం కల్పించింది. ఫిబ్రవరి 27న పోలింగ్ నిర్వహించి, మార్చి 3న ఓట్ల లెక్కింపు చేపట్టనున్నది.
అయితే, తెలంగాణలో గ్రాడ్యుయేట్ఎమ్మెల్సీ జీవన్ రెడ్డి (మెదక్ –నిజామాబాద్– - ఆదిలాబాద్ –- కరీంనగర్), ఉపాధ్యాయ ఎమ్మెల్సీలు కూర ర‌‌ఘోత్తం రెడ్డి (మెదక్– -నిజామాబాద్ -– ఆదిలాబాద్ - –కరీంనగర్), అలుగుబెల్లి న‌‌ర్సిరెడ్డి( వరంగల్– -ఖమ్మం– -నల్లగొండ) పదవీ కాలం మార్చి 29తో ముగియనుంది.
ఈ నేపథ్యంలో మార్చి 8వ తేదీలోపే ఎన్నికల ప్రక్రియను ముగించనున్నట్టు ఈసీ వెల్లడించింది. అలాగే, ఏపీలోని ఉమ్మడి ఉభయ గోదావరి జిల్లాల పట్టభద్రుల స్థానానికి, కృష్ణా - గుంటూరు గ్రాడ్యుయేట్స్థానానికి, శ్రీకాకుళం-- విజయనగరం-- విశాఖపట్నం టీచర్ స్థానానికి ఎన్నికలు జరగనున్నాయి.
