- నన్ను ఓడించేందుకు ఇద్దరు ఒక్కటయ్యారు
- నా గెలుపును ఎవ్వరూ ఆపలేరు
లింగంపేట, వెలుగు: ఎల్లారెడ్డి నియోజకవర్గంలో కాంగ్రెస్ గెలుపును అడ్డుకునేందుకు బీఆర్ఎస్, బీజేపీ నేతలు కుమ్మక్కయ్యారని, బీఆర్ఎస్ కు ఓటేస్తే బీజేపీకి వేసినట్లేనని కాంగ్రెస్అభ్యర్థి మదన్ మోహన్రావు పేర్కొన్నారు. ఈ రెండు పార్టీలు కలిసినా ఎల్లారెడ్డిలో తనను ఓడించలేరన్నారు. గురువారం ఆయన లింగంపేట మండలంలోని కంచ్మల్, కొండాపూర్, మంబాజీపేట, కొండాపూర్ తండా, భవానీపేట, జల్దిపల్లి, రాంపూర్, బానాపూర్, బానాపూర్తండా, బాయంపల్లి, కొర్పోల్, నల్లమడుగు, నల్లమడుగు తండా, రాంపల్లి, రాంపల్లి తండాల్లో ఎన్నికల ప్రచారం నిర్వహించారు.
మధ్యాహ్నం ఎల్లారెడ్డి టౌన్లో జరిగిన మైనార్టీ సదస్సులో మాట్లాడుతూ.. మైనారిటీల సంక్షేమం కోసం కాంగ్రెస్ పార్టీ మాత్రమే ఆలోచిస్తోందని, కాంగ్రెస్హయాంలోనే ఈ వర్గాలకు నాలుగు శాతం రిజర్వేషన్లు కల్పించినట్లు చెప్పారు. మైనార్టీలు కాంగ్రెస్ కు పట్టం కట్టి బీఆర్ఎస్, బీజేపీలకు బుద్ధిచెప్పాలన్నారు. కాంగ్రెస్ ప్రభుత్వం ఏర్పడిన ఆరు నెలల్లో కులగణన ఆధారంగా మైనార్టీలకు రిజర్వేషన్లు పెంచుతామని, వారి సంక్షేమం కోసం రూ.4 వేల కోట్లతో ప్రత్యేక నిధిని ఏర్పాటు చేస్తామన్నారు.
ఉర్దూ మీడియంలో ఖాళీగా ఉన్న టీచర్ పోస్టుల భర్తీకి చర్యలు తీసుకుంటామని చెప్పారు. అయిదేండ్లు ఎమ్మెల్యేగా ఉన్న జాజాల సురేందర్ మైనార్టీల సంక్షేమం కోసం చేసిందేమీ లేదన్నారు. ఎల్లారెడ్డి ప్రజల ఆశీర్వాదంతో భారీ మెజార్టీతో విజయం సాధస్తాననే ధీమా ఉందన్నారు. అధికారంలో వచ్చిన వెంటనే కాంగ్రెస్ ప్రకటించిన ఆరు గ్యారంటీలను అమలు చేస్తామన్నారు. విద్య, వైద్య రంగాలకు ప్రాధాన్యత కల్పిస్తామన్నారు. వడగండ్ల ధాటిని పంట నష్టం జరిగితే ఎకరానికి రూ.10 వేలు ఇస్తామని ప్రకటించిన సీఎం, ఎవరికి రూపాయి ఇవ్వలేదన్నారు.
కాంగ్రెస్లో చేరికలు
నాగిరెడ్డిపేట,రాజంపేట మండలాలకు చెందిన పలువురు బీఆర్ఎస్, బీజేపీ లీడర్లు గురువారం మదన్సమక్షంలో కాంగ్రెస్లో చేరారు. నాగిరెడ్డిపేట మండలం తాండూర్ సింగిల్ విండో చైర్మన్ఆకిడి గంగారెడ్డి, రాజంపేట మండలం ఆర్గోండ విండో చైర్మన్ కంది శివరాములు, డైరెక్టర్లు బుట్టరాజు, బండారి సాయిలు, పులి రాజవ్వ,లంబాడీ మాలీ, లింగంపేట మండల బీజేపీ ఉపాధ్యక్షుడు నరేశ్గౌడ్తదితరులను మదన్మోహన్ కండువాలు కప్పి పార్టీలోకి ఆహ్వానించారు. కార్యక్రమంలో లీడర్లు సంతోష్ రెడ్డి, బుర్ర నారాగౌడ్, ఎల్లమయ్య, రఫియోద్దీన్, జొన్నల రాజు, మాకం రాములు, అన్నం సాయిలు, గుర్రం కిష్టయ్య, దశరథ్నాయక్ ఉన్నారు.
ALSO READ : కాంగ్రెస్ రాగానే రూ.2 లక్షల రుణమాఫీ : బాన్సువాడ అభ్యర్థి ఏనుగు రవీందర్రెడ్డి
