గోదావరిఖని/ యైటింక్లయిన్‌‌‌‌‌‌‌‌కాలనీ : బీజేపీ, బీఆర్ఎస్ పార్టీలు సింగరేణి ప్రైవేటీకరణ, కాంట్రాక్టీకరణను ప్రోత్సహిస్తూ కార్మికుల హక్కులను కాలరాస్తున్నాయని రామగుండం కాంగ్రెస్ అభ్యర్థి ఎంఎస్ రాజ్ ఠాకూర్ ఆరోపించారు. బుధవారం రామగుండం సింగరేణి ఏరియా అర్జీ 2 గనులపై ఐఎన్‌‌‌‌‌‌‌‌టీయూసీ సెక్రటరీ జనరల్‌ జనక్ ప్రసాద్, కార్పొరేటర్ శంకర్‌‌‌‌‌‌‌‌నాయక్‌‌‌‌తో కలిసి ఎన్నికల ప్రచారం నిర్వహించారు.
ఓసీపీ‒3, వకీల్‌‌‌‌పల్లి మైన్‌‌‌‌‌‌‌‌లో గని కార్మికులను కలిసి తనను గెలిపించాలని కోరారు. కాంగ్రెస్గెలిస్తే కార్మిక వాడలకు సురక్షిత మంచినీటిని అందించేందుకు చర్యలు తీసుకుంటామన్నారు. సింగరేణి వ్యాప్తంగా కార్మికులు కాంగ్రెస్ పార్టీ వైపే ఉన్నారన్నారు. అనంతరం యైటింక్లయిన్‌‌‌‌‌‌‌‌కాలనీలో ఎంఎస్ రాజ్‌‌‌‌‌‌‌‌ఠాకూర్‌ ఇంటింటికి తిరుగుతూ ప్రచారం నిర్వహించారు.
ALSO READ : రూ.350కోసం.. కత్తితో 100సార్లు పొడిచి.. డెడ్ బాడీ పక్కనే డ్యాన్స్
