- అర్బన్ కాంగ్రెస్ అభ్యర్థి షబ్బీర్ అలీ
నిజామాబాద్, వెలుగు : ముస్లింలకు 12 శాతం రిజర్వేషన్ ఇస్తానని సీఎం కేసీఆర్ మోసం చేశారని అర్బన్ కాంగ్రెస్ అభ్యర్థి షబ్బీర్ అలీ విమర్శించారు. గతంలో కాంగ్రెస్ గవర్నమెంట్ఇచ్చిన 4 శాతం రిజర్వేషన్తో ఇప్పుడిప్పుడే డాక్టర్లు, ఇంజినీర్లుగా ముస్లిం యువకులు బయటకు వస్తున్నారన్నారు. ఆ రిజర్వేషన్లోనూ ఒక శాతం కోతపెట్టి బీఆర్ఎస్ సర్కారు అన్యాయం చేస్తోందన్నారు. శనివారం ఆయన ఆటోనగర్లో ముస్లిం మహిళలతో ఆత్మీయ సమావేశం నిర్వహించి మాట్లాడారు. మైనార్టీబంధులో 30 శాతం కమీషన్ తీసుకుంటున్న మంత్రి కేటీఆర్కు ముస్లిం డిక్లరేషన్పై మాట్లాడే హక్కులేదన్నారు.
తమ గవర్నమెంట్హయాంలో రేషన్దుకాణాల్లో తొమ్మిది రకాల వంట సామాన్లు ఇచ్చేవాళ్లమని, ఇప్పుడు బియ్యం తప్ప ఏమీ ఇవ్వడం లేదన్నారు. ఈ సారి కచ్చితంగా కాంగ్రెస్ ప్రభుత్వం వస్తుందని, ఆరు గ్యారంటీలు అమలు చేస్తామన్నారు. నిరుద్యోగ యువత ఇంటింటికి వెళ్లి అధికార పార్టీ వైఫల్యాలను ఎండగట్టాలన్నారు. డబ్బుతో గెలువాలనుకుంటున్న లీడర్లకు బుద్ధి చెప్పాలని పిలుపునిచ్చారు. తాహెర్, కేశవేణు, గడుగు రోహిత్, జావీద్అక్రమ్, పంచరెడ్డి, చరణ్, నజీబ్, అర్షద్ పాల్గొన్నారు.
