- అసెంబ్లీ ఎలక్షన్ ఫలితాలతో పార్టీలో జోష్
- నిజామాబాద్ టికెట్ రేసులో డజన్కు పైగా ఆశావహులు
- సినీ నిర్మాత దిల్రాజుపై చర్చ
నిజామాబాద్, వెలుగు: అసెంబ్లీ ఎన్నికలలో విజయంతో కాంగ్రెస్ ఫుల్జోష్ లో ఉంది. త్వరలో జరిగే లోక్సభ ఎన్నికల్లో ఆ పార్టీ తరఫున పోటీ చేయడానికి ఆశావహుల సంఖ్య పెరుగుతోంది. అసెంబ్లీ ఎలక్షన్లో పోటీ ఛాన్స్దక్కని లీడర్లతో పాటు మరికొందరు ముఖ్యనేతలు ఎంపీగా కాంటెస్ట్ చేయడానికి రెడీ అంటున్నారు.
ఆశావహులు ఎక్కువే
నిజామాబాద్ లోక్సభ నియోజకవర్గం పరిధిలో బోధన్, అర్బన్, రూరల్, ఆర్మూర్, బాల్కొండతో పాటు జగిత్యాల, కోరుట్ల అసెంబ్లీ సెగ్మెంట్లున్నాయి. అసెంబ్లీ ఎన్నికల్లో జగిత్యాల నుంచి కాంగ్రెస్ అభ్యర్థిగా పోటీచేసిన ఎమ్మెల్సీ జీవన్రెడ్డి లోక్సభ ఎలక్షన్స్లో పోటీకి ఇంట్రెస్ట్ చూపుతున్నారు.
అసెంబ్లీ టికెట్ ఆశించిన టీపీసీసీ వర్కింగ్ ప్రెసిడెంట్మహేశ్గౌడ్, మాజీ ఎమ్మెల్యే ఈరవత్రి అనీల్, మాజీ ఎమ్మెల్సీ అరికెల నర్సారెడ్డి, తాహెర్, మానాల మోహన్రెడ్డి, కెప్టన్ కారుణాకర్రెడ్డి పార్టీని ఎంపీ ఛాన్స్కోరుతున్నారు. అర్బన్ నుంచి పోటీ చేసి ఓడిన షబ్బీర్అలీ పేరు కూడా పార్టీ పరిశీలిస్తున్నట్లు సమాచారం. మహిళా కోటాలో ఎమ్మెల్యే ఆకుల లలిత కూడా ప్రయత్నాలు చేస్తున్నారు. రాష్ట్రంలో పార్టీ అధికారంలో ఉన్నందున తమ ఎన్నిక సులువవుతుందని అంచనా వేస్తున్నారు.
కాంగ్రెస్లో దిల్రాజు చర్చ
సినీ నిర్మాత దిల్రాజు పాలిటిక్స్ పై ఇంట్రస్ట్గా ఉన్నట్లు కొన్నాళ్లుగా ప్రచారమవుతోంది. మొన్నటి అసెంబ్లీ ఎలక్షన్కు నెల ముందు నుంచి ఈ ప్రచారం మరింత జోరందుకుంది. మోపాల్ మండలం నర్సింగ్పల్లికి చెందిన దిల్రాజు పేరుతో ఇప్పటికే సామాజిక సేవా ట్రస్ట్ నడుస్తోంది. దిల్రాజు పేరును జిల్లాకు చెందిన సీనియర్ కాంగ్రెస్ లీడర్, బోధన్ఎమ్మెల్యే సుదర్శన్రెడ్డి పార్టీకి ప్రతిపాదించారు.
ఆర్థిక బలంగా ఉన్న ఆయన ప్రత్యర్థులకు ధీటైన అభ్యర్థి అవుతారని లెక్కలు వేశారు. దిల్రాజు అన్న నర్సింహారెడ్డికి కాంగ్రెస్ స్టేట్లీడర్లతో సంబంధాలున్నాయి. అసెంబ్లీ ఎన్నికల్లో రూరల్ నుంచి పోటీ చేయడానికి విఫలయత్నం చేసిన దిల్రాజు బంధువు, మార్కెట్కమిటీ మాజీ అధ్యక్షుడు నగేశ్రెడ్డి కూడా లోక్సభ పోటీకి సై అంటున్నారు.
లైన్ క్లియర్
మధు యాష్కి గౌడ్2004 నుంచి 2014 వరకు రెండుసార్లు నిజామాబాద్ ఎంపీగా గెలిచారు. ఆ తర్వాత జరిగిన రెండు ఎన్నికల్లోనూ మధుయాష్కీ పోటీ చేసి ఓడారు. తాను ఈసారి లోక్సభకు పోటీ చేయడం లేదని రెండు రోజుల కింద హైదరాబాద్లో మీడియా చిట్చాట్లో ఆయన ప్రకటించారు. దీంతో నిజామాబాద్ టికెట్ఆశిస్తున్న పార్టీలోని ఇతర లీడర్లకు లైన్ క్లియర్అయింది.
