- జిల్లాలో రెడీగా 1,620 ఇండ్లు
- దరఖాస్తుల స్వీకరణ షురూ
- అసంపూర్తి నిర్మాణాలపై గుత్తేదార్లతో చర్చలు
నిజామాబాద్, వెలుగు: జిల్లాలో డబుల్బెడ్ రూం ఇండ్ల అంశంలో కదలిక మొదలైంది. గత బీఆర్ఎస్ప్రభుత్వం అదిగో ఇదిగో అంటూ ఊరించింది. అయితే కాంగ్రెస్ సర్కారు పంపిణీ చేసేందుకు డిసైడైంది. తుదిదశలో ఉన్న ఇండ్లను అర్హులకు అందించడంతో పాటు అసంపూర్తి గా ఉన్న ఇండ్లను పూర్తిచేసే దిశగా చర్యలు తీసుకుంటున్నారు. జిల్లా ఇన్చార్జి మంత్రి జూపల్లి కృష్ణారావు, హౌసింగ్మంత్రి పొంగులేటి శ్రీనివాస్రెడ్డి ఈనెల జిల్లాలో నిర్వహించిన సమీక్ష తరువాత అధికారులు ఈ అంశానికి ప్రయారిటీ ఇస్తున్నారు.
మొత్తం5,300 ఇండ్లు మంజూరు
బీఆర్ఎస్ ప్రభుత్వం పదేండ్ల కాలంలో విడతల వారీగా జిల్లాకు 15,350 డబుల్ బెడ్రూం ఇండ్లను మంజూరు చేసింది. టెండర్ విధానంలో నిర్మాణ పనులను కాంట్రాక్టర్లకు అప్పగించగా, రేట్ గిట్టుబాటు కాదని మొదట్లో వెనక్కు వెళ్లారు. మంజీరా నుంచి సీనరేజ్చార్జ్లేకుండా ఫ్రీగా ఇసుక తోలుకునే వెసులుబాటు ఇవ్వడంతో సుమారు 3,700 ఇండ్లు పూర్తయ్యాయి. అందులో 2,120 ఇండ్లను పంపిణీ చేసి 1,580 పెండింగ్లో పెట్టాయి. సరిగ్గా అసెంబ్లీ ఎన్నికలకు ముందు అప్పటి ఎమ్మెల్యేలు వేలాది దరఖాస్తులు తీసుకొని వదిలేశారు.
పంపిణీ చేయనందున పూర్తయిన ఇండ్ల కేటాయింపులకు ముందే శిథిలమయ్యాయి. దొంగలు కిటికీలు, డోర్లు ఎత్తుకెళ్లారు. నిజామాబాద్లోని నగరంలోని నాగారంలో 400 ఇండ్లు, న్యూ కలెక్టరేట్పక్కన మంజూరైన 400 ఇండ్లలో పూర్తయిన వంద ఇండ్లు, బోధన్లోని 450, బాల్కొండ, ఆర్మూర్, రూరల్సెగ్మెంట్లలో 630 ఇండ్లు కేటాయింపులకు ముందే పాడయ్యాయి. వాటిలో మౌలిక వసతుల పునరుద్ధరణకు ప్రస్తుత ప్రభుత్వం రూ.2 కోట్లు మంజూరు చేసింది.
నివాస యోగ్యంగా ఆ ఇండ్లను మలిచి అర్హులకు అప్పగించాలని మంత్రులు ఆదేశించడంతో పనులు ప్రారంభమయ్యాయి. మరో పక్క లబ్ధిదారుల ఎంపిక కోసం తహసీల్దార్లు దరఖాస్తులు తీసుకుంటున్నారు. ఇందిరమ్మ కమిటీల ఆధ్వర్యంలో పూర్తి పారదర్శకంగా అర్హులైన పేద కుటుంబాలకు కేటాయించనున్నారు.
అసంపూర్తి ఇండ్లపై దృష్టి
జిల్లాకు మంజూరైన 15,300 ఇండ్లలో జీ+1లో 3,700 పూర్తికాగా సొంత జాగాలున్న వారికి 4 వేల ఇండ్లు మంజూరు చేశారు. మిగతా 7,700 ఇండ్లలో 3,400 అసంపూర్తిగా ఉండగా, 4,300 ఇండ్లు ఇంకా మొదలు పెట్టనేలేదు. అసలు స్టార్ట్ కాని ఇండ్లను పక్కనబెట్టి మధ్యలో నిలిచిపోయిన ఇండ్లను రెండు, మూడు నెలలలో పూర్తి చేయాలని ప్రభుత్వ ఆదేశాలివ్వడంతో ఆఫీసర్లు కాంట్రాక్టర్లను పిలిచి మాట్లాడుతున్నారు.
తమ నుంచి ఎలాంటి సహకారాన్ని ఆశిస్తున్నారో తెలుసుకుంటున్నారు. మంజీరా నుంచి ఇసుకను ఉచితంగా తరలించుకునేందుకు గ్రీన్ సిగ్నల్ ఇచ్చారు. ఇలా నగరంలోని ధర్మపురి హిల్స్లో 400, న్యూకలెక్టరేట్ వద్ద అసంపూర్తిగా ఉన్న 300 ఇండ్లు, నాగారం వద్ద మరో కాలనీలో పిల్లర్ల స్టేజీలో వదిలేసిన 400 గృహాలు, విలేజ్లలో జీ+1 తరహాలో నిలిచిపోయిన ఇండ్లు పూర్తి చేయనున్నారు.
