- బీఆర్ఎస్ చైర్మన్లను గద్దె దింపేందుకుస్కెచ్
- నల్గొండ, నేరేడుచర్లలో వేగంగా మారుతున్న పాలిటిక్స్
- అవిశ్వాసానికి అనుమతి ఇవ్వాలని కలెక్టర్లకు తీర్మానం కాపీలు అందజేత
- పాలకవర్గాలకు వచ్చే జనవరి నాటికి నాలుగేళ్లు పూర్తి
నల్గొండ, వెలుగు : ఉమ్మడి జిల్లాలోని మున్సిపాలిటీల్లో అవిశ్వాస రాజకీయాలు వేడిపుట్టిస్తున్నాయి. అసెంబ్లీ ఎన్నికల ఫలితాలు వచ్చిన రెండు వారాల్లోనే బీఆర్ఎస్ చైర్మన్లను గద్దె దింపేందుకు కాంగ్రెస్ పావులు కదుపుతోంది. జిల్లా మంత్రులు ఉత్తమ్ కుమార్రెడ్డి, కోమటిరెడ్డి వెంకటరెడ్డి ఇలాకాల్లోని నల్గొండ, నేరేడుచర్లలో చైర్మన్లపై అవిశ్వారం పెట్టేందుకు కాంగ్రెస్ కౌన్సిలర్లు ప్రయత్నాలు ముమ్మరంచేశారు. ఈ మేరకు నల్గొండ, సూర్యాపేట కలెక్టర్లకు అవిశ్వాసం తీర్మానం కాపీ అందజేశారు.
గత మున్సిపల్ఎన్నికల్లో కొన్నిచోట్ల కాంగ్రెస్కు బలం ఉన్నా.. ఎక్స్ ఆఫిషియో సభ్యులను అడ్డం పెట్టుకుని బీఆర్ఎస్ మున్సిపాలిటీలను కైవసం చేసుకుంది. ప్రస్తుతం కాంగ్రెస్ పవర్‌‌లోకి రావడంతో తిరిగి మున్సిపాలిటీలను చేజిక్కించుకునేందుకు స్కెచ్ వేస్తోంది. పాలకవర్గాల పదవీ కాలం వచ్చే ఏడాది జ నవరికి నాలుగేళ్లు పూర్తికానుండగా.. మరో ఏడాది సమయం ఉంది.
నల్గొండలో అవిశ్వాసం వేగవంతం
నల్గొండ మున్సిపల్ చైర్మన్ మందడి సైదిరెడ్డిని గద్దె దించేందుకు శనివారం కాంగ్రెస్ కౌన్సిలర్లు జిల్లా కలెక్టర్ ఆర్‌‌వీ కర్ణన్‌ను కలిసి తీర్మానం అందజేశారు. మొత్తం 48 మంది కౌన్సిలర్లు ఉండగా.. బీఆర్ఎస్ నుంచి కాంగ్రెస్లో చేరిన వారితో కలిపి కాంగ్రెస్ బలం 28కి చేరింది. అవిశ్వాస తీర్మానం నెగ్గాలంటే మొత్తం సభ్యుల్లో 2/3 వంతు మెజార్టీ ఉండాలి. అయితే ఎక్స్ ఆఫిషియో సభ్యులు మంత్రి కోమటిరెడ్డి వెంకటరెడ్డి, ఎమ్మెల్సీ అల్గుబెల్లి న ర్సిరెడ్డితో కలిపి 30 మంది చేరింది. ఇంకో నలుగురు కావాల్సి ఉంటుంది.
బీఆర్ఎస్ నుంచి మరో 10 మంది కౌన్సిలర్లు కాంగ్రెస్లో చేరనున్నారు. చైర్మన్‌ను పదవి నుంచి తప్పించాలంటే 34 మంది కౌన్సిలర్లు కాంగ్రెస్ పక్షాన ఓటు వేయాల్సి ఉంటుంది. ఈ మేరకు అవిశ్వాస తీర్మానానికి మద్దతు తెలిపిన కౌన్సిలర్లు అందరు సంతకాలు చేసిన తీర్మానం కాపీని కలెక్టర్కు అందజేశారు. రూల్స్ ప్రకారం సంతకాలు పెట్టిన కౌన్సిలర్ల వాయిస్ను రికార్డు చేశారు. అదేవిధంగా కౌన్సిలర్ల సంతకాలను క్రాస్ చెక్ చేస్తు న్నారు.
ఈ ప్రక్రియ ముగియగానే పాలకవర్గానికి కలెక్టర్ నోటీసులు ఇస్తారు. ఆ తర్వాత ఎన్నికల కమిషన్అనుమతి మేరకు ఓటింగ్ నిర్వహిస్తారు. గతంలో బీఆర్ఎస్ పవర్లో ఉన్నప్పుడు ఎమ్మెల్సీలు నేతి విద్యాసాగర్, గుత్తా సుఖేందర్ రెడ్డి, పల్లా రాజేశ్వరెడ్డిల సపోర్ట్తో మున్సిపాలిటీ సొంతం చేసుకుంది. ఇప్పుడు సీన్ రివర్స్ అయింది.
నేరేడుచర్లలో కాంగ్రెస్ దూకుడు
నేరేడుచర్ల మున్సిపాలిటీలో కాంగ్రెస్ మెజార్టీ ఉన్నప్పటికీ బీఆర్ఎస్ పవర్లో ఉండటంతో మాజీ మంత్రి జి.జగదీశ్ రెడ్డి మున్సిపల్ కమిషన ర్మహేందర్ రెడ్డిని సస్పెండ్ చేసి మరీ ఓటింగ్‌లో నెగ్గారు. 15 మంది కౌన్సిలర్లలో కాంగ్రెస్ ఏడు, బీఆర్ఎస్ ఏడు, సీపీఎం ఒకటి గెలిచింది. మెజార్టీ ప్రకారం కాంగ్రెస్ చైర్మన్ పదవి దక్కాలి. కానీ ఎట్టిపరిస్థితుల్లో మున్సిపాలి టీని దక్కించుకోవాలన్న పట్టుదలతో ఎక్స్ఆఫిషియో సభ్యులను రంగంలోకి దింపారు. ఎమ్మెల్సీలు శేరిసుభాష్ రెడ్డి, ఎంపీ బడుగుల లింగయ్య యా దవ్, మాజీ ఎమ్మెల్యే సైదిరెడ్డి సపోర్ట్తో చైర్మన్ సీటు సొంతం చేసుకోవాలని భావించారు.
కానీ మాజీ ఎంపీ ఉత్తమ్ కుమార్ రెడ్డి అనూహ్యంగా ఎంపీ కేవీపీ రామచంద్రారావును రంగంలోకి దింపడంతో బీఆర్ఎస్ కంగుతి న్నది. దీన్ని నుంచి బయటపడేందుకు మాజీ మంత్రి జగదీశ్ రెడ్డి పాలకవర్గం ఎన్నికలు జరగకుండా వాయిదా వేయించి, అప్పటి కమిషనర్ను సస్పెండ్ చేయించారు. కానీ, ఇప్పుడు 15 మంది కౌన్సిలర్లలో ఏడుగురు కాంగ్రెస్, ఒకరు సీపీఎంతోపాటు ఎక్స్ఆఫిషియో సభ్యుల బలం ఉంది.
పైగా బీఆర్ఎస్ కౌన్సిలర్లు కాంగ్రెస్లో చేరారు. దీంతో చైర్మన్ జయబాబును పదవి నుంచి దింపాలని శనివారం సూర్యాపేట జిల్లా కలెక్టర్ వెంకట్రావ్ను కలిసి తీర్మానం కాపీ అందజేశారు.
మరో నాలుగు చోట్ల సేమ్ సీన్..
మిర్యాలగూడ, భువనగిరి, కోదాడ, నందికొండ మున్సిపాలిటీల్లోనూ అవిశ్వాసం తీర్మానం పెట్టేందుకు రంగం సిద్ధమవుతోంది. కోదాడ మున్సిపాలిటీని వివాదాలు చుట్టముట్టడంతో అక్కడి పాలన అధ్వాన్నంగా మారింది. ఇక మిర్యాలగూడలో తిరునగరు భార్గవ్ను గద్దె దించేందుకు కాంగ్రెస్ కౌన్సిలర్లు తీవ్రంగా ప్రయత్నిస్తున్నారు. కానీ 2019 ఎంపీ ఎన్నికల్లో భార్గవ్ అనుచరులు కాంగ్రెస్కు పరోక్షంగా సహకరించారనే సమాచారం ఉంది.
ఈ నేపథ్యంలో భార్గవ్ను గద్దె దించడం అంత తేలికైనా పని కాదని అంటున్నారు. నాగార్జునసాగర్ నియోజకవర్గ పరిధిలోని నందికొండ మున్సిపాలిటీలో ఎమ్మెల్సీ కోటిరెడ్డి వర్గం ఓవైపు, మాజీ ఎమ్మెల్యే భగత్ వర్గం మరోవైపు ఉంది. ఇప్పుడు కాంగ్రెస్ అధికారంలోకి రావడంతో ఇరు వర్గాల్లోని పలువురు కౌన్సిలర్లు బయటకు వచ్చి కాంగ్రెస్కు సపోర్ట్ చేయాలనే ఆలోచనలో ఉన్నట్లు తెలిసింది.
