చేవెళ్ల, వెలుగు: తెలంగాణలో సీఎం కేసీఆర్ కుటుంబానికి ఉద్యోగాలు వచ్చాయి తప్ప నిరుద్యోగులకు ఇచ్చారా? అని కాంగ్రెస్ పార్టీ తమిళనాడు ఎంపీ, చేవెళ్ల పార్లమెంట్ఇన్చార్జి విష్ణు ప్రసాద్, చేవెళ్ల కాంగ్రెస్ పార్టీ అభ్యర్థి పామెన భీం భరత్ ప్రశ్నించారు. శనివారం రంగారెడ్డి జిల్లా చేవెళ్ల, షాబాద్ మండలాల్లోని గొల్లగూడ, కేసారం, దామర గిద్ద, ఖానాపూర్ తదితర గ్రామాల్లో చేవెళ్ల నియోజకవర్గం కాంగ్రెస్ పార్టీ ఎమ్మెల్యే అభ్యర్థి పామేన భీం భరత్ ఎన్నికల ప్రచారం నిర్వహించారు.
ఈ సందర్భంగా వారు మాట్లాడుతూ.. ఉద్యోగాలు రావాలంటే బీఆర్ఎస్‌‌ను అధికారం నుంచి తప్పించాలని వారు పిలుపునిచ్చారు. తెలంగాణలో మార్పు రావాలన్నారు. కాంగ్రెస్ వస్తేనే ఉద్యోగాలు వస్తాయన్నారు. జిల్లా ఉపాధ్యక్షులు బండారు ఆగిరెడ్డి, పీఏసీఎస్ చైర్మన్లు దేవర వెంకట్రెడ్డి, ప్రతాప్రెడ్డి, పడాల రాములు, మండల పార్టీ అధ్యక్షులు వీరేందర్‌‌రెడ్డి, మాజీ సర్పంచుల సంఘం అధ్యక్షులు రెడ్డి శెట్టి మధుసూదన్‌ గుప్తా, మాజీ సర్పంచ్‌‌లు దవల్ గారి గోపాల్ రెడ్డి తదితరులు పాల్గొన్నారు
