- కొడంగల్ నుంచే అల్పాహారం పథకం శ్రీకారం
- రూ.1200 కోట్లతో కొడంగల్ రోడ్ల డెవలప్ మెంట్
కొడంగల్, వెలుగు: ప్రభుత్వ స్కూళ్ల విద్యార్థులకు అల్పాహారం అందించే పథకాన్ని కొడంగల్ నుంచి సీఎం రేవంత్ రెడ్డి త్వరలో ప్రారంభించబోతున్నట్లు కాంగ్రెస్ ఇన్‌‌‌‌చార్జి తిరుపతి రెడ్డి పేర్కొన్నారు. శుక్రవారం కొడంగల్లో సెంట్రలైజ్డ్కమ్యూనిటీ కిచెన్ ప్రారంభానికి అసెంబ్లీ స్పీకర్ గడ్డం ప్రసాద్, మంత్రులు శ్రీధర్బాబు, జూపల్లి కృష్ణారావు, దామోదర్ రాజనర్సింహా ముఖ్య అతిథులుగా వస్తున్నారని తెలిపారు.
హరే కృష్ణసంస్థ ఆధ్వర్యంలో కొడంగల్ సెగ్మెంట్‌‌‌‌లోని 312 ప్రభుత్వ స్కూళ్లలో 28 వేల స్టూడెంట్లకు ఉదయం బ్రేక్ ఫాస్ట్ పథకం త్వరలోనే ప్రారంభించనున్నామన్నారు. కొడంగల్ సెగ్మెంట్లో ప్రతి తండా, పల్లెకు రోడ్డు సౌకర్యం కల్పించడమే లక్ష్యంగా రూ. 1200 కోట్ల ప్రతిపాదనలను రెడీ చేసి ప్రభుత్వ అనుమతి కోసం పంపించినట్లు తిరుపతి రెడ్డి అన్నారు. ఇది వరకే ఉన్న సింగల్రోడ్లను డబుల్రోడ్లుగా మారుస్తామన్నారు. తిరుపతిరెడ్డితో పాటు నాయకులు ప్రశాంత్, శివకుమార్, రామ చంద్రారెడ్డి, ఆసిఫ్ ఖాన్, మల్లికార్జున్ ఉన్నారు.
