బాన్సువాడ, వెలుగు : కాంగ్రెస్ టికెట్ రాలేదని కామారెడ్డి జిల్లా బాన్సువాడ నియోజకవర్గ ఇన్చార్జ్ కాసుల బాలరాజ్ బుధవారం తన ఇంట్లో పురుగుల మందు తాగి ఆత్మహత్యాయత్నం చేశాడు. గమనించిన కార్యకర్తలు ఆయనను బాన్సువాడ ప్రభుత్వాసుపత్రికి, అక్కడి నుంచి మెరుగైన వైద్యం కోసం నిజామాబాద్కు తర లించారు. కాంగ్రెస్ హైకమాండ్ బాన్సువాడ టికెట్ను ఇటీవల పార్టీలో చేరిన ఏనుగు రవీందర్ రెడ్డికి ఇచ్చింది. నియోజకవర్గ ఇన్చార్జ్గా ఆ సీటును ఆశించిన బాలరాజ్.. మరో వ్యక్తికి టికెట్ కేటాయించడంపై అభ్యంతరం వ్యక్తం చేశాడు.
తనకు టికెట్ రాలేదని బాలరాజ్ బుధవారం ఉదయం ఇంటి వద్ద ఆమరణ నిరాహార దీక్షకు కూర్చున్నారు. ఆ తర్వాత ఇంట్లో పురుగుల మందు తాగి ఆత్మహత్య చేసుకోబోయాడు. కార్యకర్తలు గమనించి ఆపారు. అప్పటికే కొంత మందు కడుపులోకి వెళ్లింది. దీంతో ఆయనను హుటాహుటిన హాస్పిటల్కు తరలించారు. కాగా బాలరాజును డీసీసీబీ అధ్యక్షుడు భాస్కర్ రెడ్డి, బీజేపీ అభ్యర్థి యెండల లక్ష్మీనారాయణ పరామర్శించారు.
