- కాంగ్రెస్ నేత దరిపల్లి రాజశేఖర్ రెడ్డి
హైదరాబాద్, వెలుగు: రాష్ట్రానికి కేసీఆర్, కేటీఆర్ కరోనాలాంటి వారని.. రేవంత్వ్యాక్సిన్ అని పీసీసీ అధికార ప్రతినిధి, జీహెచ్ఎంసీ ఫ్లోర్ లీడర్దరిపల్లి రాజశేఖర్ రెడ్డి అన్నారు. రేవంత్ రెడ్డిపై కేటీఆర్ వ్యాఖ్యలు అర్థరహితమని తెలిపారు. గురువారం ఆయన గాంధీ భవన్లో మీడియాతో మాట్లాడారు.
రాష్ట్రంలో రేవంత్ దళిత దండోరా నిర్వహించారని.. ఆదివాసీలు, మైనారిటీల హక్కుల కోసం పోరాడారన్నారు. నిరుద్యోగ జంగ్ సైరన్ ప్రోగ్రామ్ ద్వారా నియామకాలు చేపట్టేలా ప్రభుత్వంపై ఒత్తిడి తెచ్చారని గుర్తుచేశారు. రాజకీయాల్లో తమకంటే జూనియర్ అయిన కేటీఆర్ అదృష్టం కలిసొచ్చి మంత్రి అయ్యారని కామెంట్ చేశారు.
కాళేశ్వరం ప్రాజెక్ట్పేరుతో వేల కోట్ల కుంభకోణానికి పాల్పడ్డారని ఆరోపించారు. కాంగ్రెస్పార్టీ తెలంగాణ ఇవ్వకపోతే కేసీఆర్, కేటీఆర్ దర్గా దగ్గర అడుక్కునేటోళ్లని పేర్కొన్నారు.
