బీసీ గణనతో రాజకీయ అవకాశాలు పెరుగుతయ్హైదరాబాద్, వెలుగు: సామాజిక న్యాయం కాంగ్రెస్ ప్రభుత్వంతోనే సాధ్యమని కాంగ్రెస్నేత నీలం మధు ముదిరాజ్ చెప్పారు. గురువారం శంకర్ పల్లిలో ముదిరాజ్ సంక్షేమ భవన ప్రారంభోత్సవానికి మక్తల్ ఎమ్మెల్యే శ్రీహరి ముదిరాజ్, నీలం మధు ముఖ్య అతిథులుగా పాల్గొన్నారు. ఈ సందర్భంగా నీలం మధు మాట్లాడుతూ.. సీఎం రేవంత్ రెడ్డి ముదిరాజ్లకు పెద్దపీట వేస్తున్నారని, రాజకీయంగా ఎదిగేలా ప్రోత్సహిస్తున్నారని చెప్పారు. బీసీ కులగణన పూర్తయితే ముదిరాజ్ లకు రాజకీయ అవకాశాలు పెరుగుతాయన్నారు. ఐక్యంగా ముందుకు వెళ్తే హక్కులను సాధించుకోవచ్చని తెలిపారు. కార్యక్రమంలో సంగారెడ్డి జిల్లా ముదిరాజ్ సంఘం అధ్యక్షుడు పులిమామిడి రాజు, శంకర్పల్లి మండల అధ్యక్షుడు తలారి మైసయ్య, అందే బాబయ్య, డాక్టర్ మద్దెల సంతోశ్, రావులపల్లి నారాయణ, శ్రీకాంత్, నరేష్, జంగయ్య, రాములు, మన్నె వెంకటేశ్, లింగం, సంఘం సభ్యులు పాల్గొన్నారు.
