హైదరాబాద్, వెలుగు: ఏఐసీసీ ఆధ్వర్యంలో త్వరలో భారత్ పర్వ్ పేరుతో ఇంటర్నేషనల్ సమిట్ నిర్వహించే ఏర్పాట్లలో కాంగ్రెస్ నేతలు ఉన్నారు. ఈ సమావేశాన్ని హైదరాబాద్ లోగానీ లేదంటే బెంగళూర్ లోగానీ నిర్వహించాలనే యోచనలో హైకమాండ్ ఉంది. ప్రపంచ వ్యాప్తంగా వివిధ దేశాల్లో ఉన్న కాంగ్రెస్ ఐడియాలజీ గల ఎన్నారైలతో ఈ సమావేశం నిర్వహించేందుకు ఏఐసీసీ ప్లాన్ చేస్తున్నది.
ఒకవేళ హైదరాబాద్ లో నిర్వహిస్తే ఎలాంటి ఏర్పాట్లు చేయాలనే దానిపై బుధవారం మధ్యాహ్నం అసెంబ్లీలోని కమిటీ హాల్స్ పక్కన ఉన్న వీడియో కాన్ఫరెన్స్ హాల్లో కాంగ్రెస్ నేతలు సమావేశమై చర్చించారు. ఇందులో రాష్ట్ర వ్యవహారాల ఇన్చార్జ్ దీపాదాస్ మున్షీ, పీసీసీ చీఫ్ మహేశ్ గౌడ్, మంత్రులు శ్రీధర్ బాబు, పొన్నం ప్రభాకర్ పాల్గొన్నారు. అనంతరం ఇక్కడి నుంచే ఢిల్లీ ఏఐసీసీ నేతలతో వీడియో కాన్ఫరెన్స్ లో రాష్ట్ర నేతలు పాల్గొన్నట్లు సమాచారం.
