ఖమ్మం టౌన్, వెలుగు : బీఆర్ఎస్ పాలనలో ప్రశ్నించిన వారిపై కేసులు పెట్టడం ఫస్ట్ టైం చూశానని భట్టి విక్రమార్క తెలిపారు. ప్రజలు స్వేచ్ఛాయుత వాతావరణంలో జీవించాలంటే బీఆర్ఎస్కు ఈఎన్నికల్లో బుద్ధి చెప్పి కాంగ్రెస్ను గెలిపించుకోవాలని సూచించారు. సోమవారం సిటీలోని ఎస్ఆర్ గార్డెన్ లో నిర్వహించిన కాంగ్రెస్ పార్టీ ఖమ్మం నియోజకవర్గ సమన్వయ సమావేశంలో భట్టి విక్రమార్కతోపాటు కాంగ్రెస్ నేతలు తుమ్మల నాగేశ్వరరావు
పొంగులేటి శ్రీనివాసరెడ్డి, సీపీఐ నేతకూనంనేని సాంబశివరావు పాల్గొన్నారు. ఈ సందర్భంగా భట్టి మాట్లాడుతూ ఉమ్మడి ఖమ్మం జిల్లాలోని 10 స్థానాల్లో కాంగ్రెస్ జెండా ఎగురుతుందని పలు సర్వేలు చెబుతున్నాయన్నారు. కాంగ్రెస్ పార్టీ ప్రకటించిన ఆరు గ్యారంటీలను అధికారంలోకి వచ్చిన వంద రోజుల్లోనే అమలు చేస్తామని ఆయన స్పష్టంచేశారు.
Also Read:- ఆఫీసర్ల నిర్లక్ష్యం.. ఆగమవుతున్న హరితహారం
