- కాంగ్రెస్ నేతల సంబురాలు
కోల్బెల్ట్, వెలుగు: పెద్దపల్లి ఎంపీ గడ్డం వంశీకృష్ణను కేంద్ర భారీ పరిశ్రమల శాఖ సంప్రదింపుల కమిటీలో సభ్యుడిగా నియమించడం పట్ల కాంగ్రెస్ శ్రేణులు హర్షం వ్యక్తం చేశారు. ఆదివారం మంచిర్యాల జిల్లా మందమర్రి పాత బస్టాండ్ ఏరియాలో కాంగ్రెస్టౌన్ ప్రెసిడెంట్ నోములు ఉపేందర్గౌడ్ ఆధ్వర్యంలో కాంగ్రెస్ లీడర్లు, కార్యకర్తలు సంబురాలు జరుపుకున్నారు.
పారిశ్రామికవేత్తగా అనుభవం కలిగిన ఎంపీ వంశీకృష్ణ సేవలను సద్వినియోగం చేసుకునేందుకు కేంద్ర ప్రభుత్వం భారీ పరిశ్రమల శాఖ సంప్రదింపుల కమిటీలో మెంబర్గా నియమించిందని తెలిపారు. కమిటీ సభ్యుడిగా ఎంపీ వంశీకృష్ణ సలహాలు, సూచనలు అందిస్తూ పరిశ్రమల ఏర్పాటుకు తన వంతు కృషి చేయాలని ఆకాంక్షించారు. కార్యక్రమంలో సీనియర్ లీడర్ సొతుకు సుదర్శన్, కాంగ్రెస్ పార్టీ జిల్లా వైస్ ప్రెసిడెంట్ పుల్లూరి లక్ష్మణ్, సెక్రటరీ బత్తుల రమేశ్, స్థానిక లీడర్లు పాల్గొన్నారు.
