- మంత్రి ఉత్తమ్కు ఉమ్మడి రంగారెడ్డి జిల్లా కాంగ్రెస్ ఎమ్మెల్యేల వినతి
పరిగి, వెలుగు: రంగారెడ్డి – పాలమూరు ప్రాజెక్టు పనులను వేగవంతం చేయాలని రాష్ట్ర నీటిపారుదల శాఖ మంత్రి ఉత్తమ్కుమార్ రెడ్డిని ఉమ్మడి రంగారెడ్డి జిల్లా కాంగ్రెస్ ఎమ్మెల్యేలు కోరారు. పరిగి ఎమ్మెల్యే టి. రామ్మోహన్ రెడ్డి, తాండూర్ ఎమ్మెల్యే బుయ్యని మనోహర్ రెడ్డి, చేవెళ్ల ఎమ్మెల్యే కాలే యాదయ్య, షాద్నగర్ ఎమ్మెల్యే వీర్లపల్లి శంకర్ ఆదివారం ఉత్తమ్ కుమార్ రెడ్డిని హైదరాబాద్లో ఆయన నివాసంలో కలిశారు.
పాలమూరు రంగారెడ్డి ప్రాజెక్టులో భాగమైన కొందుర్గు -పరిగి -లక్ష్మీదేవిపల్లి ప్రాజెక్టును త్వరితగతిన నిర్మించాలని మంత్రికి వినతి పత్రం అందజేశారు. అనంతరం ప్రాజెక్టు నిర్మాణ పనులపై మంత్రి సానుకూలంగా స్పందించారని వారు తెలిపారు. పాలమూరు – రంగారెడ్డి ప్రాజెక్టు కాంగ్రెస్ పాలనలో పూర్తవుతుందని ఎమ్మెల్యేలు ధీమా వ్యక్తం చేశారు.
