హైదరాబాద్, వెలుగు: కేటీఆర్ ఓ డ్రామా ఆర్టిస్టు అని కాంగ్రెస్ ఎమ్మెల్సీ బల్మూరి వెంకట్ ఫైర్ అయ్యారు. గురువారం ఆయన హైదరాబాద్ లో మీడియాకు ఒక ప్రకటన విడుదల చేశారు. సుప్రీంకోర్టు, హైకోర్టులలో కేటీఆర్కు ఊరట లభించకపోవడంతో మతిస్థిమితం కోల్పోయి మాట్లాడుతున్నారని మండిపడ్డారు. హైదరాబాద్ బ్రాండ్ ఇమేజీ కోసం తపన పడుతున్నట్టు చెప్తున్న కేటీఆర్కు.. అసలు సిటీ అభివృద్ధి విషయంలో ఏమాత్రం స్పష్టత లేదని ఆరోపించారు.
హైదరాబాద్, రంగారెడ్డి, మేడ్చల్ జిల్లాల్లో అడ్డమైన జీవోలు ఇచ్చి ప్రభుత్వ భూములను ప్రైవేట్ వ్యక్తులకు ధారాదత్తం చేశారని ఆరోపించారు. , ఈడీ కేసులను లొట్టపీసు కేసులు అనడంపై తీవ్ర అభ్యంతరం వ్యక్తం చేశారు.
