సుల్తాన్పూర్(యూపీ): పరువునష్టం కేసులో కాంగ్రెస్ ఎంపీ రాహుల్ గాంధీ శుక్రవారం ఉత్తరప్రదేశ్ సుల్తాన్ పూర్ లోని ఎంపీ–ఎమ్మెల్యే ప్రత్యేక కోర్టుకు హాజరు కానున్నారు. ఉదయం 9 గంటలకు రాహుల్ లక్నో ఎయిర్పోర్టు నుంచి సుల్తాన్పూర్ వెళ్తారని కాంగ్రెస్ వర్గాలు వెల్లడించాయి.
2018లో బీజేపీ నేత, ప్రస్తుత కేంద్ర హోం మంత్రి అమిత్షాపై అభ్యంతరకర కామెంట్లు చేశారంటూ సుల్తాన్ పూర్ బీజేపీ నేతలు రాహుల్పై పరువు నష్టం కేసు పెట్టారు. ఈ కేసులో రాహుల్కు ఈ ఏడాది ఫిబ్రవరి 20న కోర్టు బెయిల్ ఇచ్చింది. శకుక్రవారం విచారణ నేపథ్యంలో ఆయన హాజరు కానున్నారు.
