- దమ్మాయిగూడ మున్సిపల్ ఆఫీసు ఎదుట కాంగ్రెస్ నాయకుల ఆందోళన
జవహర్నగర్, వెలుగు : భారీ వర్షాలతో జవహర్ నగర్ డంపింగ్ యార్డ్నుంచి వచ్చే కంపును భరించలేక స్థానికులు ఇబ్బందులు పడుతున్నారని దమ్మాయిగూడ మున్సిపల్ ఆఫీసు ఎదుట మంగళవారం మేడ్చల్ జిల్లాకు చెందిన కాంగ్రెస్ పార్టీ నాయకులు ఆందోళన చేశారు. కాంగ్రెస్ పార్టీ మేడ్చల్ ఫ్లోర్ లీడర్ సింగిరెడ్డి హరివర్ధన్ రెడ్డి మాట్లాడుతూ.. డంపింగ్యార్డుతో జనాలు ఇబ్బంది పడుతున్నా ప్రజాప్రతినిధులు, అధికారులు పట్టించుకోవట్లేదన్నారు. ప్రభుత్వం వెంటనే స్పందించి డంపింగ్ యార్డును మరో చోటకి తరలించాలని డిమాండ్ చేశారు. లేకపోతే ఆందోళనను ఉధృతం చేస్తామన్నారు.
ధర్నా చేస్తున్న నాయకులను పోలీసులు అరెస్ట్ చేశారు. మరోవైపు నాగారం మున్సిపల్పరిధిలోని పలు కాలనీల్లో వరద నీరు ఇండ్లలోకి చేరి డ్రైనేజీ పొంగుతోందంటూ కీసర, రాంపల్లి చౌరస్తాలో టీఆర్ఎస్నాయకులు కాలనీవాసులతో కలిసి ఆందోళన చేశారు. వారిని పోలీసులు స్టేషన్కు తరలించారు.
