లింగంపేట, వెలుగు : ఎల్లారెడ్డి ఎమ్మెల్యే కె.మదన్మోహన్రావుకు మంత్రి పదవి ఇవ్వాలని కోరుతూ శుక్రవారం లింగంపేటలో కాంగ్రెస్ పార్టీ లీడర్లు పాదయాత్ర చేపట్టారు. ముందుగా మత్తడి పోచమ్మ ఆలయంలో పూజలు చేసి 101 కొబ్బరికాయలు కొట్టారు. కాంగ్రెస్ పార్టీ మండల అధ్యక్షుడు బుర్ర నారాగౌడ్ఆధ్వర్యంలో మండలంలోని అన్ని గ్రామాలకు చెందిన కాంగ్రెస్శ్రేణులు మండల కేంద్రంలోని శ్రీరామాలయం నుంచి మత్తడి పోచమ్మ ఆలయం వరకు పాదయాత్ర చేశారు.
డైనమిక్ ఎమ్మెల్యే మదన్మోహన్రావు - జిందాబాద్, రావాలిరావాలి - మదనన్నకు మంత్రి పదవి రావాలి అంటూ నినాదాలు చేస్తూ పాదయాత్రను కొనసాగించారు. కార్యక్రమం లో కాంగ్రెస్పార్టీ మండల అధ్యక్షుడు బుర్ర నారాగౌడ్, భవానీపేట,శెట్పల్లి, మెంగారం,మోతె, ముస్తాపూర్, ఐలాపూర్, ముంబాజీపేట, ఎల్లారం, పోల్కంపేట, పోతాయిపల్లి, కోమట్పల్లి, బోనాల్, కొర్పోల్, బానాపూర్ గ్రామ కమిటీల అధ్యక్షులు, కార్యకర్తలు పాల్గొన్నారు.
