- నియోజకవర్గ టికెట్పై హాట్ టాఫిక్గా మారిన రేవంత్ కామెంట్స్
- అనుకూలంగా భావిస్తున్న సుభాష్రెడ్డి వర్గం
- పీసీసీ చీఫ్, షబ్బీర్ అలీపై మదన్ మోహన్ ఫైర్
కామారెడ్డి, వెలుగు: కాంగ్రెస్ పార్టీకి పట్టున్న ఎల్లారెడ్డి నియోజకవర్గంలో లీడర్ల మధ్య విభేదాలు మరోసారి బయటపడ్డాయి. హాత్సే హాత్జోడో యాత్రలో భాగంగా రేవంత్రెడ్డి పాదయాత్రలో లీడర్ల తోపులాటలతో రచ్చకెక్కాయి. ఎన్నికలు సమీపిస్తున్న వేళ.. కలిసి కట్టుగా ముందుకెళ్లాల్సిన సమయంలో లీడర్లు ఎవరికి వారే అన్నట్లు వ్యవహరిస్తుండడంతో క్యాడర్లో అయోమయం నెలకొంది. ముఖ్యంగా వచ్చే ఎన్నికల్లో నియోజకవర్గంలో పోటీ చేసే క్యాండిడేట్, నియోజకవర్గ ఇన్చార్జి విషయంలో పీసీసీ చీఫ్కామెంట్స్ఇప్పుడు జిల్లాలో చర్చనీయాంశమయ్యాయి. రేవంత్రెడ్డి వ్యాఖ్యలతో పీసీసీ జనరల్ సెక్రెటరీ వడ్డేపల్లి సుభాష్రెడ్డి వర్గం తమకు అనుకూలంగా భావిస్తుంటే.. పీసీసీ వైస్ ప్రెసిడెంట్కె. మదన్మోహన్వర్గం ఈ వ్యాఖ్యలను తప్పు బడుతోంది. 2018 అసెంబ్లీ ఎన్నికల్లో ఉమ్మడి జిల్లాలోని తొమ్మిది నియోజక వర్గాల్లో కాంగ్రెస్పార్టీ దక్కించుకున్న ఒకే ఒక సీటు ‘ఎల్లారెడ్డి’. జిల్లాల్లో పార్టీ సీనియర్లంతా ఓడిపోగా.. ఎల్లారెడ్డిలో జాజాల సురేందర్ గెలుపొందారు. అనంతరం బీఆర్ఎస్లో చేరారు. ఈ ఏడాది జరిగే అసెంబ్లీ ఎన్నికల్లో ఈ నియోజకవర్గం నుంచి పోటీ చేసేందుకు పార్టీ జనరల్సెక్రటరీ వడ్డేపల్లి సుభాష్రెడ్డి, వైస్ ప్రెసిడెంట్కె. మదన్మోహన్రావు ఆసక్తి చూపుతున్నారు. పార్టీలో పట్టు సాధించేందుకు వీరిద్దరూ నియోజకవర్గంలో వేర్వేరుగా ఆఫీసులు ఏర్పాటు చేసుకుని పార్టీ కార్యక్రమాలు చేపడుతున్నారు. క్యాడర్ను తమ వైపు తిప్పుకునేందుకు ఎత్తుకు పై ఎత్తులు వేస్తున్నారు. సుభాష్రెడ్డి పీసీసీ చీఫ్రేవంత్రెడ్డికి ముఖ్య అనుచరుడు కాగా, మదన్మోహన్రావు తనకు రాహుల్గాంధీ టీమ్తో సంబంధాలు ఉన్నాయని చెబుతున్నారు. సుభాష్రెడ్డి రేవంత్రెడ్డితో పాటు మాజీ మంత్రి షబ్బీర్అలీని నమ్ముకొని ఉన్నారు. మదన్మోహన్రావు షబ్బీర్అలీతో విభేదించి నల్గొండ ఎంపీ కోమటిరెడ్డి వెంకట్రెడ్డితో సన్నిహితంగా ఉంటున్నారు. 2019 ఎన్నికల్లో మదన్మోహన్రావు జహీరాబాద్ఎంపీగా పోటీ చేసి స్వల్ప ఓట్ల తేడాతో ఓడిపోయారు. సుభాష్రెడ్డికి గతంలో ఎల్లారెడ్డి టికెట్చేయిదాకా వచ్చి బీసీ ఈక్వేషన్లో చేజారిపోయింది. ఈ సారి ఎట్టి పరిస్థితుల్లో పార్టీ తనకే టికెట్ఇస్తుందనే భరోసాతో ఉన్నారు.
నిరుద్యోగ నిరసన దీక్షలో..
జిల్లాలో హాత్సే హాత్జోడో యాత్రలో భాగంగా ఈ నెల 19న గాంధారి మండల కేంద్రంలో రేవంత్రెడ్డి నిరుద్యోగ నిరసన దీక్ష చేపట్టారు. రేవంత్రెడ్డి బస చేసిన చోట మదన్మోహన్, సుభాష్రెడ్డి వర్గాల మధ్య తోపులాట జరిగింది. క్యాంపులోకి సుభాష్రెడ్డి వెళ్లిన కొద్ది సేపటికి మదన్మోహన్రావు వచ్చారు. ఆయనతో పాటు అనుచరులు లోపలకు వెళ్లేందుకు ప్రయత్నించగా వారిని సెక్యూరిటీ ఆపడంతో వాదనకు దిగారు. అనంతరం ఇద్దరు లీడర్ల అనుచరులు తోపులాడుకున్నారు. ఏడాది కింద కూడా ఎల్లారెడ్డిలో పార్టీ నిర్వహించిన ‘మన ఊరు–మన పోరు’ సభలో ఇరు వర్గాలు గొడవకు దిగాయి.
రేవంత్రెడ్డి వ్యాఖ్యలతో..
గాంధారి మీటింగ్లో ‘ఎల్లారెడ్డి’ టికెట్కేటాయింపు విషయంలో రేవంత్రెడ్డి చేసిన వ్యాఖ్యలు ప్రస్తుతం చర్చనీయాంశమయ్యాయి. ‘2018 ఎన్నికల్లో ఎల్లారెడ్డి టికెట్సుభాష్రెడ్డికి ఇవ్వాలని హైకమాండ్వద్ద నేను పట్టబట్టాను. మాజీ మంత్రి షబ్బీర్అలీ జాజాల సురేందర్కు ఇవ్వాలని సిఫారసు చేశారు. సీనియర్లీడర్గా ఆయన మాటలనే పరిగణలోకి తీసుకున్న హైకమాండ్సురేందర్కు టికెట్ఇచ్చింది.’ అని రేవంత్రెడ్డి చెప్పారు. ఈ సారి షబ్బీర్అలీ ఎవరిని సూచిస్తే వాళ్లకు టికెట్ఇస్తామని సుభాష్రెడ్డికి టికెట్వస్తుందనే విషయాన్ని పరోక్షంగా రేవంత్రెడ్డి పేర్కొన్నారు. ఈ ప్రకటనపై మదన్మోహన్రావు మండిపడ్డారు. సోమవారం జిల్లా కేంద్రంలో మదన్మోహన్రావు ప్రెస్ మీట్పెట్టి షబ్బీర్అలీపై విమర్శలు చేశారు. తనకు ఏఐసీసీ ఫైనల్అని స్పష్టం చేశారు. ఈ అంశాన్ని హైకమాండ్చెప్పనున్నట్లు ఆయన అనుచరులు తెలిపారు.
