- పార్టీలో చేరనున్న కసిరెడ్డి, రంగారెడ్డి డీసీసీబీ చైర్మన్ మనోహర్ రెడ్డి
హైదరాబాద్, వెలుగు: కాంగ్రెస్ రాష్ట్ర రాజకీయాలు మళ్లీ ఢిల్లీకి మారనున్నాయి. పార్టీ నేతలు శుక్రవారం అక్కడికి వెళ్లనున్నారు. ఇటీవల బీఆర్ఎస్కు రాజీనామా చేసిన కసిరెడ్డి నారాయణరెడ్డితో పాటు రంగారెడ్డి జిల్లా డీసీసీబీ చైర్మన్మనోహర్రెడ్డి కాంగ్రెస్ చీఫ్ ఖర్గే సమక్షంలో పార్టీలో చేరనున్నట్టు తెలిసింది. ఈ నేపథ్యంలో ఢిల్లీకి వెళ్లేముందు పీసీసీ చీఫ్ రేవంత్ రెడ్డి బెంగళూరుకు వెళ్లి డీకే శివకుమార్తో భేటీ అయి, పార్టీలో చేరికలపై చర్చిస్తారని సమాచారం.
ఈ చేరికలు అయ్యాక కూడా రాష్ట్ర ముఖ్య నేతలు ఢిల్లీలోనే ఉండనున్నట్టు తెలుస్తున్నది. ఈ నెల 8న స్క్రీనింగ్ కమిటీ సమావేశం ఉండడంతో చేరికలు చూసుకుని, మీటింగ్కు హాజరు కావాలని నిర్ణయించినట్టు తెలిసింది. ఇక 9న మరోసారి ఢిల్లీలో సీడబ్ల్యూసీ సమావేశం నిర్వహించనున్నారు. ఆ తర్వాతి రోజు పీసీసీ చీఫ్లతో ఎక్స్టెండెడ్ మీటింగ్ ఉండే అవకాశం ఉంది. ఈ నెల11 లేదా 12న సెంట్రల్ ఎలక్షన్ కమిటీ మీటింగ్ నిర్వహించే చాన్స్ ఉందని తెలుస్తున్నది.
ఈ మీటింగ్లో ఎన్నికలు జరగనున్న ఐదు రాష్ట్రాలకు సంబంధించిన అభ్యర్థుల జాబితాను పరిశీలించే చాన్స్ ఉందని, ఆ తర్వాత పార్టీ లిస్ట్ రిలీజ్ కావొచ్చని అంటున్నారు. దీంతో వారం పాటు నేతలంతా ఢిల్లీలోనే ఉంటారని సమాచారం.
ALSO READ : ఓట్ల కోసం కాంగ్రెస్, బీజేపీ..దొంగ జపం చేస్తున్నయ్ : కేటీఆర్
నెలాఖరున రాష్ట్రానికి రాహుల్?
తెలంగాణపై కాంగ్రెస్ హైకమాండ్మరింత ఫోకస్ పెట్టింది. రాష్ట్రాన్ని ఏర్పాటు చేసిన పార్టీగా.. ఈసారి ఎలాగైనా అధికారంలోకి రావాలన్న పట్టుదలతో ఉంది. అందులో భాగంగానే జాతీయ స్థాయి నేతలతో వరుసగా సభలు నిర్వహిస్తున్నారు. ఖర్గే నుంచి సోనియా వరకు లీడర్లు సభలు పెట్టి ప్రజలను ఆకర్షించే ప్రయత్నం చేస్తున్నారు. రాహుల్ గాంధీ ఇప్పటికే వరంగల్, ఖమ్మం, హైదరాబాద్ లో పర్యటించగా.. ఖర్గే మంచిర్యాల, చేవెళ్ల, హైదరాబాద్లో పర్యటించారు.
సోనియా గాంధీ హైదరాబాద్ బహిరంగ సభలో పాల్గొన్నారు. ఈ నెలాఖరున రాహుల్మరోసారి రాష్ట్రానికి రానున్నట్టు తెలిసింది. ఈ మేరకు పీసీసీ పెద్దలు రిక్వెస్ట్ చేశారని, దానికి రాహుల్ అంగీకరించారని సమాచారం. అయితే ఆయన సభ ఎక్కడుంటుందన్న దానిపై మాత్రం క్లారిటీ లేదు. మరోవైపు వచ్చే నెల ఫస్ట్ వీక్లో ప్రియాంకా గాంధీ కూడా రాష్ట్రానికి రానున్నట్టు సమాచారం. మహిళా డిక్లరేషన్ను ఆమె ప్రకటిస్తారని తెలుస్తున్నది.
బీసీ డిక్లరేషన్ సభ వాయిదా?
బీసీ డిక్లరేషన్ సభ మరోసారి వాయిదా పడేలా కనిపిస్తున్నది. ఈ నెల 10న నిర్వహిస్తామని కొద్ది రోజుల కింద ప్రకటించినప్పటికీ, ఇప్పుడు లేటయ్యే అవకాశం ఉందని పార్టీ వర్గాల ద్వారా తెలుస్తున్నది. కర్నాటక ముఖ్యమంత్రి సిద్ధరామయ్యను ఈ సభకు ముఖ్య అతిథిగా ఆహ్వానించారు. అయితే పీసీసీ ముఖ్య నేతలంతా ఆ టైమ్లో ఢిల్లీలో ఉండే అవకాశాలున్నాయి. ఈ నేపథ్యంలోనే బీసీ డిక్లరేషన్సభ కొద్ది రోజులు వాయిదా పడే చాన్స్ఉంటుందని పార్టీ వర్గాలు అంటున్నాయి. మళ్లీ ఎప్పుడు పెట్టేది మాత్రం క్లారిటీ లేదు.
