పార్లమెంట్ ఎన్నికల్లో లోకల్ వర్సెస్ నాన్లోకల్ లొల్లి మొదలైంది. పలు లోక్సభ సెగ్మెంట్లలో బీజేపీ, బీఆర్ఎస్, కాంగ్రెస్ అభ్యర్థుల మధ్య వార్ నడుస్తున్నది. ఈ లొల్లి ఏకంగా పోస్టర్ల వరకూ వెళ్లింది. మల్కాజ్గిరి సెగ్మెంట్లో లోకల్, నాన్లోకల్ పేరుతో పోస్టర్లు హల్ చల్ చేస్తున్నాయి.
మహబూబ్నగర్లో కాంగ్రెస్ వర్సెస్ బీజేపీ
మహబూబ్ నగర్ కాంగ్రెస్ పార్టీ ఎంపీ అభ్యర్థి నాన్లోకల్అని బీజేపీ అభ్యర్థి డీకే అరుణ వ్యాఖ్యానించారు. తాను లోకల్ అని, ఇక్కడే ఉండి ప్రజలకు అందుబాటులో ఉంటున్నానని ఆమె రెండు రోజుల క్రితం ఓ మీటింగ్లో చెప్పుకొచ్చారు. అయితే, ఆమె కామెంట్లకు వంశీచంద్ రెడ్డి దీటుగా రిప్లై ఇచ్చారు. ప్రధాని నరేంద్ర మోదీది గుజరాత్ అయితే.. యూపీలోని వారణాసి నుంచి ఎందుకు పోటీ చేస్తున్నారని అరుణను వంశీచంద్ రెడ్డి ప్రశ్నించారు.
లోకల్ సెంటిమెంట్తో ఓట్లు రాలుతాయా?
లోకల్, నాన్ లోకల్ సెంటిమెంట్లను రెచ్చగొడితే ఎన్నికల్లో ఎలాంటి ప్రయోజనం ఉండదని రాజకీయ నిపుణులు చెబుతున్నారు. పార్టీని, పోటీ చేసే అభ్యర్థిని బట్టే ప్రజలు ఓటేస్తారని అంటున్నారు. 2019 లోక్సభ ఎన్నికల్లో కొడంగల్ నియోజకవర్గానికి చెందిన సీఎం రేవంత్ రెడ్డి.. మల్కాజ్గిరి నుంచి ఎంపీ అభ్యర్థిగా పోటీ చేసి బంపర్ మెజార్టీతో గెలిచారు.
మాజీ ప్రధాని దివంగత ఇందిరా గాంధీ కూడా 1980లో మెదక్ నుంచి పోటీ చేసి గెలిచారు. అభ్యర్థి మంచివాడై.. ప్రజలకు సేవచేసే గుణం ఉంటే ప్రజలు లోకల్, నాన్ లోకల్ అనే విషయం పట్టించుకోరని నిపుణులు అభిప్రాయపడుతున్నారు. లోకల్ సెంటిమెంట్ను రెచ్చగొట్టినంత మాత్రాన ఆయా పార్టీలకు ఒరిగే ప్రయోజనం ఏమీ ఉండదని అంటున్నారు.
