- హైకోర్టు న్యాయవాది పోడూరి శ్రీనివాస్రెడ్డి ఆరోపణ
- అల్లు అర్జున్ బెయిల్ రద్దయ్యే చాన్స్ఉందని కామెంట్
ఖైరతాబాద్, వెలుగు: సినీ హీరో అల్లు అర్జున్కేసును అడ్డం పెట్టుకుని రేవంత్రెడ్డి సర్కార్ను కూల్చేందుకు ప్రతిపక్షాలు కుట్ర చేస్తున్నాయని హైకోర్టు న్యాయవాది పోడూరి శ్రీనివాస్ రెడ్డి ఆరోపించారు. అల్లు అర్జున్వెనుక బీఆర్ఎస్నేతలు కేటీఆర్, కవిత, హరీశ్రావుతోపాటు కేంద్ర మంత్రి కిషన్ రెడ్డి ఉన్నారని చెప్పారు. మంగళవారం ఆయన సోమాజిగూడ ప్రెస్క్లబ్లో జర్నలిస్ట్సతీశ్కమల్తో కలిసి మీడియాతో మాట్లాడారు.
తొక్కిసలాటలో గాయపడి చికిత్స పొందుతున్న శ్రీతేజ్ను బీఆర్ఎస్నేతలు ఎవరూ ఇంత వరకు పరామర్శించలేదన్నారు. సినీ పరిశ్రమ ఇక్కడి నుంచి వెళ్లిపోవాలనుకుంటే గతంలో తీసుకున్న భూములను వదిలేసి వెళ్లాలన్నారు. బీఆర్ఎస్, బీజేపీ నాయకులు రాష్ట్రంలో ఏదో ఒక అలజడి సృష్టించి ప్రభుత్వాన్ని కూలదోయాలని చూస్తున్నారని ఆరోపించారు. కండీషనల్బెయిల్పై ఉన్న అల్లు అర్జున్ ప్రెస్ మీట్పెట్టి కోర్టు నిబంధనలను ధిక్కరించారని,పోలీసులు బెయిల్ రద్దుకు పిటిషన్దాఖలు చేసే అవకాశం ఉందన్నారు. శ్రీతేజ్కుటుంబానికి డబ్బు ఇస్తామని అల్లు అర్జున్చెప్పడం బాధితులను ప్రలోభపెట్టి కేసు వాపస్ తీసుకునేలా చేయడమేనన్నారు.
