కామారెడ్డి జిల్లాలో కానిస్టేబుల్, హోమ్ గార్డు ఓవర్ యాక్షన్ తో ఒకవ్యక్తి తీవ్ర గాయాలతో ఆస్పత్రి పాలు అవ్వాల్సి వచ్చింది. మద్యం సేవించాడనే కారణంతో నడిరోడ్డుపై వ్యక్తిని చితకబాదడం జిల్లా వ్యాప్తంగా సంచలనంగా మారింది. ఈ వ్యవహారంపై తీవ్ర విమర్శలు రావడంతో ఇద్దరినీ సస్పెండ్ చేశారు జిల్లా ఎస్పీ.
వివరాల్లోకి వెళ్తే.. బాన్సువాడ పోలీస్ స్టేషన్ లో విధులు నిర్వర్తించే కానిస్టేబుల్ కిరణ్, హోం గార్డు గంగాధర్ ఓవర్ యాక్షన్ కారణంగా సస్పెండ్ అయ్యారు. మద్యం తాగాడని ఓ వ్యక్తిని నడిరోడ్డుపై చితక బాదారు. ‘‘మాకే ఎదురు చెప్తావా..?’’ అంటూ విచక్షణారహితంగా దాడి చేశారు. ఈ దాడిలో బాధితునికి తీవ్ర గాయాలయ్యాయి.
Also Read :- ఎవిడెన్స్ లేకుండా వైన్స్లో చోరీ..
విధి నిర్వహణ లో పోలీసులు దురుసుగా వ్యవహరించడం జిల్లా ఎస్.పి. రాజేష్ చంద్ర దృష్టికి వచ్చింది. జిల్లా వ్యాప్తంగా ఈ వ్యవహారం సంచలనంగా మారి తీవ్ర విమర్శలు రావడంతో ఇద్దిరిపై క్రమశిక్షణా చర్యలు తీసుకున్నారు ఎస్పీ. కానిస్టేబుల్ కిరణ్, హోం గార్డు గంగాధర్ లను విధుల నుండి సస్పెండ్ చేశారు.
