మెహిదీపట్నం, వెలుగు: చైనా మాంజాతో ప్రాణాలు పోతుండడంతో లంగర్ హౌస్ పోలీసులు స్థానిక ఫ్లైఓవర్ పై ఇద్దరు పోలీసులను కాపలా పెట్టాల్సి వచ్చింది. వీరు రెండు రోజులుగా ఫ్లై ఓవర్పై డ్యూటీ చేస్తూ చైనా మాంజా చుట్టుకుంటే తొలగిస్తున్నారు. గత ఏడాది ఓ రాత్రి వేళ ఓ ఆర్మీ జవాన్ టూ వీలర్ నడుపుకుంటూ ఈ ఫ్లై ఓవర్పై నుంచి వస్తూ చైనా మాంజా గొంతు కోయడంతో చనిపోయాడు.
ఈసారి అలా జరగకుండ పోలీసులు ముందస్తుగా ఫ్లై ఓవర్పై ఇద్దరు పోలీసులను కాపలా పెట్టారు. వీరు రెండు రోజుల నుంచి బ్రిడ్జి పై చిక్కుకుంటున్న చైనా మాంజాను తొలగిస్తున్నారు. మాంజా పడినప్పుడాల్లా పలుమార్లు వాహనాలను నిలిపివేసి
తొలగిస్తున్నారు. మంగళవారం నారాయణగూడలో ఓ ట్రాఫిక్ కానిస్టేబుల్, బుధవారం ఆసిఫ్ నగర్ లో మరో ట్రాఫిక్ కానిస్టేబుల్ చైనా మాంజా తగిలి గాయపడ్డారని సౌత్ అండ్ వెస్ట్ జోన్ డీసీపీ చంద్రమోహన్ తెలిపారు.
