- 75 ఏండ్ల వేడుకల్లో పాల్గొన్న ఆఫీసర్లు, ప్రజాప్రతినిధులు,
వెలుగు, నెట్ వర్క్ : భారత రాజ్యాంగం అవతరించి 75 ఏండ్లు పూర్తయిన సందర్భంగా ఖమ్మం, భద్రాద్రి కొత్తగూడెం జిల్లాల్లో అన్ని ప్రభుత్వ కార్యాలయాలు, కోర్టుల్లో రాజ్యాంగ దినోత్సవాలు నిర్వహించారు. ఈ సందర్భంగా పలువురు మాట్లాడుతూ.. రాజ్యాంగం ప్రాముఖ్యాన్ని తెలియజేశారు. ప్రపంచంలోనే భారత రాజ్యాంగం చాలా గొప్పదని భద్రాద్రి కొత్త గూడెం కలెక్టర్ జితేష్ వి.పాటిల్ అన్నారు. కలెక్టరేట్‌లో మంగళవారం నిర్వహించిన ప్రోగ్రాంలో అంబేద్కర్ చిత్రపటానికి పూలమాలలు వేసి నివాళులు అర్పించారు. రాజ్యాంగాన్ని పరిరక్షిస్తామంటూ కలెక్టర్తో పాటు పలు శాఖల ఆఫీసర్లు ప్రతిజ్ఞ చేశారు.
రాజ్యాంగ స్ఫూర్తిని మనమంతా ముందుకు తీసుకెళ్లాలని భద్రాచలం ఫస్ట్ క్లాస్జ్యుడీషియల్ జడ్జి వి.శివనాయక్ పిలుపునిచ్చారు. బార్ అసోషియేషన్ ప్రధాన కార్యదర్శి పి.శ్రీనివాసాచారి, ఉపాధ్యక్షురాలు ఎం.వి.రమ పాల్గొన్నారు. రాజ్యాంగ స్ఫూర్తితో పోలీసులంతా సమాజాభివృద్ధిలో భాగస్వామ్యం కావాలని ఎస్పీ బి. రోహిత్ రాజు పేర్కొన్నారు. హేమచంద్రాపురంలోని పోలీస్హెడ్ క్వార్టర్‌‌లో మంగళవారం నిర్వహించిన రాజ్యాంగదినోత్సవం సందర్భంగా అంబేద్కర్ విగ్రహానికి పూలమాలవేసి నివాళులు అర్పించారు.
కొత్తగూడెంలోని జిల్లా కోర్టు ఆవరణలోని లైబ్రరీ మీటింగ్హాల్లో నిర్వహించిన రాజ్యాంగ దినోత్సవంలో జిల్లా జడ్జి పాటిల్వసంత్, జిల్లా లీగల్సెల్అథారిటీ సెక్రెటరీ భానుమతి పాల్గొన్నారు. దశాబ్దాల క్రితం రచించిన భారత రాజ్యాంగం ఎంతో గొప్పదని కేటీపీఎస్ 5,6 ద శల చీఫ్ ఇంజనీర్ మేక ప్రభాకర్ రావు అన్నారు. కర్మాగారం ఎస్ఈలు పి. వెంకటేశ్వర్లు, జీవీ ధర్మారావు, పి. కృష్ణ, బి. మోక్షవీర్ , డివైసీసీఏ పి. రామారావు, కిరణ్, ఫైర్ ఆఫీసర్ ఎడ్ల శ్రీనివాస్‌తో పాటు పలువురు ఇంజినీర్లు కార్మికులు, ఆర్టిజన్లు పాల్గొన్నారు.
ఖమ్మం జిల్లా మధిర కోర్టులో న్యాయవాదులు, కోర్టు సిబ్బందితో న్యాయమూర్తి టి.కార్తీక్ రెడ్డి ప్రమాణం చేయించారు . న్యాయమూర్తి మాట్లాడుతూ.. ప్రతి ఒక్కరూ రాజ్యాంగాన్ని గౌరవించాలని, రాజ్యాంగం కల్పించిన హక్కులను కాపాడాలని కోరారు. కార్యక్రమంలో బార్అసోసియేషన్ అధ్యక్షులు పుల్లారావు, నాయవాదులు, కోర్టు సిబ్బంది తదితరులు పాల్గొన్నారు .
