- లేటెస్ట్ టెక్నాలజీతో నిర్మాణం
- 19,628 మెట్రిక్ టన్నుల సామర్థ్యం
మెదక్, వెలుగు : సెంట్రల్ వేర్ హౌసింగ్ కార్పొరేషన్ ఆధ్వర్యంలో జిల్లా కేంద్రమైన మెదక్ పట్టణంలో మాడ్రన్గోడౌన్స్ నిర్మించారు. మెదక్, - సిద్దిపేట నేషనల్ హైవే 765 డీజీ పక్కన దశాబ్దాల క్రితం నిర్మించిన సీడబ్ల్యూసీ గోడౌన్స్ ఉన్నాయి. సిమెంట్తో నిర్మించిన ఆ గోడౌన్ సామర్థ్యం 11,566 మెట్రిక్ టన్నులు ఉండగా వాటిలో పీడీఎస్ బియ్యంతో పాటు, రైస్ మిల్లర్లు బాయిల్డ్ రైస్, వ్యాపారులు శెనగలు, గోధుమలు, పత్తి స్టోర్ చేస్తారు. కాగా సీడబ్ల్యూసీ హైదరాబాద్ రీజియన్ పరిధిలో తెలంగాణ రాష్ట్రంలో మొట్ట మొదటి సారిగా 2022లో మెదక్లో ప్రీ ఇంజినీరింగ్ గోడౌన్స్ మంజూరయ్యాయి. పాత గోడౌన్స్ పక్కనే సువిశాల స్థలంలో రూ.20 కోట్ల వ్యయంతో 19,628 మెట్రిక్ టన్నుల కెపాసిటీతో రెండు భారీ గోడౌన్లను నిర్మించారు.
ఒక గోడౌన్లో 51,820 ఎస్ఎఫ్టీ, మరో గోడౌన్ 60,487 ఎస్ఎఫ్టీ కలిపి మొత్తం 1,12,307 ఎస్ఎఫ్టీ స్పేస్అందుబాటులో ఉంది. మల్టీ నేషనల్ కంపెనీలు, మాల్స్, సూపర్ మార్కెట్లు, ఎలక్ట్రానిక్ గూడ్స్, ఫర్నిచర్, గన్నీ వ్యాపారులు తమ స్టాక్ స్టోర్ చేసుకునేందుకు ఈ గోడౌన్స్ అద్దెకు ఇస్తారు. ఒక్కొక్కరికి మినిమం 5 వేల ఎస్ఎఫ్టీ స్పేస్అద్దెకిస్తారు. ఒక ఎస్ఎఫ్టీకి 16 రూపాయల 45 పైసల చొప్పున అద్దె చెల్లించాల్సి ఉంటుంది.
గోడౌన్అద్దెకు తీసుకున్న వారు 24 గంటలు ఎప్పుడు అవసరం ఉంటే అప్పుడు గోడౌన్ తెరుచుకొని స్టోర్ చేసిన వస్తువులు, సరుకులు తీసుకోవడం, కొత్తగా వచ్చిన వాటిని స్టోర్చేసుకునే వీలుంటుంది. ఈ గోడౌన్లు చాలా హైట్ఉండడంతో పాటు, లేటెస్ట్టెక్నాలజీతో నిర్మించడం వల్ల లోపల కూల్గా ఉండి స్టోర్ చేసిన సరుకులు, వస్తువులు పాడుకాకుండా ఉంటాయి. అంతేగాక గోడౌన్ ల దగ్గర సీసీ కెమెరాల నిఘా, హైమాస్ట్ లైట్లు, సెక్యూరిటీ సౌకర్యాలు ఉంటాయి.
త్వరలో అందుబాటులోకి
తెలంగాణలో మొదటి సారి మెదక్లో నిర్మించిన ప్రీ ఇంజినీరింగ్ గోడౌన్ల నిర్మాణం దాదాపు పూర్తయింది. త్వరలో ఇవి అందుబాటులోకి రానున్నాయి. మోర్, రిలయన్స్, విశాల్ మార్ట్, ఫర్నిచర్ షాప్స్ వాళ్లు ఈ గోడౌన్లలో స్పేస్అద్దెకు తీసుకోవచ్చు. వారు స్టోర్ చేసుకునే స్టాక్కు పూర్తి సెక్యూరిటీ ఉంటుంది. వ్యాపారులు ఈ గోడౌన్ సౌకర్యాన్ని సద్వినియోగం చేసుకోవాలి.
కోటేశ్వర్రావు, వేర్హౌజ్ మేనేజర్
