సమ్మర్ సీజన్ పీక్ స్టేజ్కు చేరుకుంది. ఎండలు మండిపోతున్నాయి. రికార్డ్ స్థాయిలో ఉష్ణోగ్రతలు నమోదు అవుతున్నాయి. దీంతో జనం బయటకు వెళ్లాలంటేనే భయపడుతున్నారు. ఇక ఎమర్జెన్సీ వర్క్ ఉంటే బయటకు వెళ్లక తప్పని పరిస్థితి. ఇలా బయటకు వెళ్తే.. ఎండలకు బాడీ డీహైడ్రేట్ కావడం తద్వారా ఫేస్లో కాంతి తగ్గి డల్ అయిపోవడం వంటి సమస్యలు ఎదురవుతున్నాయి. దీంతో ఎండకాలంలో బాడీ డీహైడ్రేట్ కాకుండా మొఖం వాడిపోకుండా తాజాగా నిగనిగలాడడానికి హెల్త్ ఎక్స్పర్ట్స్ కొన్ని సూచనలు చేస్తున్నారు.
ఎక్కువగా వాటర్ తాగడం, మజ్జిగ పండ్ల రసాలు వంటి ద్రవ పదార్థలు తీసుకోవాలని చెబుతున్నారు. వీటితో పాటు సమ్మర్లో ఫేస్ తాజాగా ఉండాలంటే.. పోషకాలతో నిండిన కొన్ని ఆరోగ్యకరమైన పండ్లను క్రమం తప్పకుండా తినాలంటున్నారు. ముఖ్యంగా ఎండకాలంలో ఏడు రకాలు పండ్లు తినడం ద్వారా శర్మ సమస్యలు దరి చేరకుండా చూసుకోవచ్చట. ఈ పండ్లు తింటే.. ముఖంలో వృద్ధాప్య లక్షణాలు కనబడకుండా ఫేస్ ఎల్లప్పుడు యవ్వనంగా, ప్రకాశవంతంగా ఉంచుకోవచ్చట.
ఆ ఏడు పండ్లు ఏంటంటే..?
బొప్పాయి: బొప్పాయి అనేక ప్రయోజనాలతో నిండిన ఆరోగ్యకరమైన పండు. ఇందులో పపైన్ అనే ఎంజైమ్ ఉంటుంది. ఇది ముఖంపై మొటిమలను తగ్గించడంలో సహాయపడుతుంది, స్కిన్ ఫ్రెష్ గా ఉండేలా ప్రోత్సహిస్తోంది.
పుచ్చకాయ: వేసవిలో బెస్ట్ ఫ్రూట్ వాటర్మిలన్. పుచ్చకాయలో పుష్కలంగా ఉండే విటమిన్ సీ, లైకోపీన్ చర్మాన్ని ఎండ దెబ్బతినకుండా కాపాడతాయి. బాడీ డీహైడ్రేట్ కాకుండా కాపాడుతోంది. పుచ్చకాయ కొల్లాజెన్ను కూడా ఉత్పత్తి చేస్తోంది.
మామిడి పండ్లు: పండ్లలో రాజుగా మామిడి. ఇందులో విటమిన్ ఎ, సీ ల పుష్కలంగా ఉంటాయి. ఇవి బాడీని హైడ్రేట్ చేయడానికి సహాయపడతాయి. ముఖంపై ఉన్న గీతలు, ముడతలను తగ్గిస్తాయి. అయితే, మామిడి పండ్లను లిమిటెడ్గా తీసుకోవడం ముఖ్యం. ఎందుకంటే మ్యాంగోస్ ఎక్కువగా తింటే వేడి అవుతోంది.
పైనాపిల్: విటమిన్ సీ, మాంగనీస్ పుష్కలంగా ఉండే పైనాపిల్ కూడా చర్మానికి ఎంతో ఉపయోగం. ఈ పండులో దొరికే విటమిన్లు చర్మాన్ని ప్రకాశవంతంగా చేయడానికి సహాయపడతాయి. వేసవి కాలంలో నల్ల మచ్చలు, హైపర్‌పిగ్మెంటేషన్ రూపాన్ని తగ్గిస్తాయి.
కివి: ఈ పండులో విటమిన్ సీ, యాంటీఆక్సిడెంట్లు పుష్కలంగా ఉంటాయి. పర్యావరణ ఒత్తిళ్ల నుండి చర్మాన్ని రక్షించడంలో కొల్లాజెన్ ఉత్పత్తిని ప్రోత్సహించడంలో కివి సహాయపడుతుంది.
స్ట్రాబెర్రీలు: రుచికి రుచి, పోషకాలకు పోషకాలు ఉండే స్ట్రాబెర్రీ కూడా చర్మానికి ఎంతో ఉపయోగం. వీటిలో విటమిన్ సీ పుష్కలంగా ఉంటుంది. ఇది చర్మాన్ని ఎండ దెబ్బతినకుండా కాపాడుతుంది ముఖంపై గీతలు, అకాల ముడతలను తగ్గిస్తుంది.
నారింజ: విటమిన్ సీ, ఫ్లేవనాయిడ్స్ సమృద్ధిగా ఉండే నారింజలు చర్మాన్ని ప్రకాశవంతం చేయడానికి, స్కి్న్ టోన్‌ను సమం చేయడానికి సహాయపడతాయి. నల్ల మచ్చలు, హైపర్‌పిగ్మెంటేషన్ రూపాన్ని తగ్గిస్తాయి.
►ALSO READ | క్యాడ్బెరీ జెమ్స్ తిన్నంత ఈజీగా డోలో 650 వాడుతున్నారు: డాక్టర్ కామెంట్స్ వైరల్
