- ఎన్ హెచ్ 44పై భారీగా ట్రాఫిక్ జామ్
గద్వాల, వెలుగు: ఏపీకి చెందిన ఆర్టీసీ లగ్జరీ బస్సును కంటైనర్ ఢీకొట్టడంతో జోగులాంబ గద్వాల జిల్లా ఇటిక్యాల మండలం ధర్మారం స్టేజీ దగ్గర 44 నెంబర్ హైవేపై ఆదివారం రాత్రి ట్రాఫిక్ జామ్ అయింది. ఈ ఘటనలో ఇద్దరికి తీవ్ర గాయాలు కాగా, మరో ఇద్దరికి స్వల్ప గాయాలయ్యాయి.
ఏపీలోని బనగానపల్లె డిపోకు చెందిన ఆర్టీసీ లగ్జరీ బస్ హైదరాబాద్ నుంచి బనగానపల్లెకు వెళ్తుండగా కర్నూల్ నుంచి హైదరాబాద్ వైపు వెళ్తున్న కంటైనర్ ఢీ కొట్టింది. ఈ ప్రమాదంలో బస్సులో ఉన్న వారికి గాయాలయ్యాయి. వారిని హైవే అంబులెన్స్ లో ఆసుపత్రికి తరలించారు. రోడ్డుపై యాక్సిడెంట్ జరగడంతో హైవేపై భారీగా ట్రాఫిక్ జామ్ అయింది. పోలీసులు అక్కడికి చేరుకొని ట్రాఫిక్ ను క్లియర్ చేస్తున్నారు.
