భద్రాద్రికొత్తగూడెం, వెలుగు : జ్వరాలు తగ్గేంత వరకు చింతవర్రె గ్రామంలో హెల్త్ క్యాంప్ కొనసాగించాలని వైద్యశాఖాధికారులకు ఎమ్మెల్యే వనమా వెంకటేశ్వరరావు సూచించారు. లక్ష్మీదేవిపల్లి మండలంలోని చింతవర్రె గ్రామంలో జ్వరాలతో బాధపడుతున్న వారిని ఎమ్మెల్యే శుక్రవారం పరామర్శించారు. జ్వర బాధితులకు పండ్లు, బ్రెడ్డు పంపిణీ చేశారు. ఈ సందర్భంగా ఆయన మాట్లాడుతూ డెంగ్యూ లక్షణాలున్న వారికి ప్రత్యేక వైద్య సదుపాయాలు కల్పించాలన్నారు.
వైద్య సిబ్బంది అప్రమత్తంగా ఉంటూ ప్రజలకు మెరుగైన ట్రీట్ మెంట్ అందించే విధంగా చర్యలు చేపట్టాలన్నారు. ఆయన వెంట కోరం కనకయ్య, ఎంపీపీ భూక్యా సోనా, ఏఎంసీ చైర్మన్ భూక్యా రాంబాబు, డిప్యూటీ డీఎంహెచ్ఓ డాక్టర్ సుకృత, ఎండీఓ రమేష్,ఎంపీఓ శ్రీనివాసరావు, సీడీపీఓ కనకదుర్గ, మెడికల్ ఆఫీసర్ స్వప్న పాల్గొన్నారు
