తాడ్వాయి, వెలుగు: మేడారం మినీ జాతరకు ఎలాంటి అంతరాయం లేకుండా విద్యుత్ సరఫరా చేసేందుకు ఏర్పాట్లు చేసినట్లు టీజీఎన్పీడీసీఎల్ వరుణ్ రెడ్డి తెలిపారు. బుధవారం ములుగు జిల్లా తాడ్వాయి మండలం మేడారంలో ఆయన పర్యటించారు. ముందుగా వనదేవతలను దర్శనం చేసుకున్నారు. ఆయనకు ఎండోమెంట్ అధికారులు, పూజారులు స్వాగతం పలికారు. .
ఈ సందర్భంగా మినీ మేడారం జాతరకు ఎలాంటి విద్యుత్ అంతరాయం తలెత్తకుండా జాగ్రత్తలు తీసుకోవాలని విద్యుత్ అధికారులకు, సిబ్బందికి, ఆదేశాలు జారీ చేశారు. జిల్లా కేంద్రం నుంచి మల్లంపల్లి వరకు కొత్తగా నిర్మిస్తున్న 33 కేవీ లైన్ ను పరిశీలించారు. నోడల్ ఆఫీసర్ బీకాం సింగ్, భూపాలపల్లి ఎస్సీ మల్సూర్ నాయక్, ములుగు డీఈ పులుసు నాగేశ్వరరావు, కులుసం నాగేశ్వరరావు తదితరులున్నారు.
