కంటోన్మెంట్లోని డిఫెన్స్ భూములకు ప్రహరీలు

రూ.27 కోట్లతో టెండర్లు పిలిచిన హెచ్ఎండీఏ

హైదరాబాద్సిటీ, వెలుగు:కంటోన్మెంట్ పరిధిలో ఎలివేటెడ్కారిడార్నిర్మాణం కోసం భూములు సేకరించిన తర్వాత మిగిలిన జాగాలు కబ్జా కాకుండా ప్రహరీలు నిర్మించాలని హెచ్ఎండీఏ నిర్ణయించింది. ఎలివేటెడ్కారిడార్ కోసం కంటోన్మెంట్లో 113.48 ఎకరాల భూమిని సేకరిస్తున్నారు. ఎంత భూమిని సేకరిస్తే అంతే మొత్తంలో భూములను ఇతర ప్రాంతాల్లో ఇవ్వడానికి హెచ్ఎండీఏ ఇప్పటికే అంగీకరించింది.

సికింద్రాబాద్- ప్యారడైజ్నుంచి బోయిన్పల్లి డెయిరీ ఫామ్ రోడ్ వరకూ 5.32 కిలోమీటర్ల డబుల్డెక్కర్ఎలివేటెడ్కారిడార్, జేబీఎస్నుంచి శామీర్పేట ఓఆర్ఆర్ను కలుపుతూ(18.1 కిలోమీటర్ల) మరో ఎలివేటెడ్కారిడార్నిర్మించనున్నారు. ఈ రెండు ప్రాజెక్టుల్లో 197.2 ఎకరాల భూమి సేకరించాలని హెచ్ఎండీఏ నిర్ణయించింది. ఇందులో కంటోన్మెంట్పరిధిలో 113.48 ఎకరాలు, ప్రైవేట్వ్యక్తుల నుంచి 83.72 ఎకరాలు సేకరించనుంది. తాజాగా సేకరించిన డిఫెన్స్భూములు మినహా, మిగిలిన భూములకు ప్రహరీ నిర్మించేందుకు ఓకే చెప్పింది. దాదాపు రూ.27 కోట్లతో ప్రహరీలు నిర్మించడానికి టెండర్లను ఆహ్వానించింది.

డిఫెన్స్భూములకు ఫెన్సింగ్ఇలా..

ఫెన్సింగ్పనుల కోసం టెండర్లు ఆహ్వానించిన అధికారులు ఆరు నెలల్లో పనులు పూర్తిచేయాలని ఆయా కంపెనీలకు షరతులు విధించనున్నారు. జేబీఎస్నుంచి శామీర్పేట ఓఆర్ఆర్వరకు నిర్మించే కారిడార్వెస్ట్ మారేడ్పల్లి, కార్ఖానా, తిరుమలగిరి, బొల్లారం, ఆల్వాల్, హకీంపేట, తూంకుంట మీదుగా ఓఆర్ఆర్వరకూ వెళ్తుంది. ఇక ప్యారడైజ్నుంచి బోయిన్పల్లి డెయిరీ ఫామ్రోడ్వరకు(నేషనల్హైవే44) 5.32 కిలోమీటర్ల మేర నిర్మించే కారిడార్సికింద్రాబాద్, తాడ్బండ్, బోయిన్పల్లి నుంచి డెయిరీఫామ్వరకూ వెళ్తుంది.

ఈ ప్రాంతాల్లో ఆర్మీ భూములకు హెచ్ఎండీఏ అధికారులు ఫెన్సింగ్, ప్రహరీలను నిర్మించనున్నారు. ఈ ఫెన్సింగ్నిర్మాణాలను నాలుగు రీచ్లుగా విభజించి పనులు చేపడుతున్నారు. రీచ్–1ను 6.48 కోట్లు, రీచ్–2 6.19 కోట్లు, రీచ్–3 6.99 కోట్లు, రీచ్–4ను 6.98కోట్లతో చేప్టనున్నారు. భూముల సేకరణ ఒప్పందంలో భాగంగానే ప్రహరీలను నిర్మిస్తున్నట్లు అధికారులు తెలిపారు.

ట్రాఫిక్కు చెక్

ప్రభుత్వం ప్రతిష్టాత్మకంగా చేపట్టిన ఎలివేటెడ్ కారిడార్ల నిర్మాణంతో ఆయా ప్రాంతాల్లో ప్రస్తుతం ఉన్న ట్రాఫిక్ సమస్య పూర్తిగా తొలగిపోయే అవకాశం ఉంటుంది. ఈ ప్రాజెక్టు వస్తే ఆయా ప్రాంతాల్లోని జంక్షన్ల వద్ద సిగ్నల్స్తొలగించవచ్చు. ఎన్హెచ్–44 రోడ్లో మేడ్చల్, మెదక్, కామారెడ్డి, నిజామాబాద్, నిర్మల్, ఆదిలాబాద్రూట్లలో వెళ్లే వాహనాలకు ట్రాఫిక్ఇబ్బందులు తప్పనున్నాయి. అలాగే జేబీఎస్–శామీర్పేట వరకూ నిర్మించే కారిడార్లో తిరుమలగిరి, ఆల్వాల్జంక్షన్ల వద్ద ర్యాంపులను
నిర్మించనున్నారు.