- 29న చలో హైదరాబాద్ సక్సెస్ చేయాలని పిలుపు
ఆసిఫాబాద్, వెలుగు: గిరిజన సంక్షేమ శాఖలో పనిచేస్తున్న 2685 మంది కాంట్రాక్ట్ ఉద్యోగులను రెగ్యులర్ చేయాలని లంబాడీ హక్కుల పోరాట సమితి రాష్ట్ర అధ్యక్షులు అజ్మీరా పూల్ సింగ్ నాయక్ డిమాండ్ చేశారు. బుధవారం జిల్లా కేంద్రంలోని ఆదివాసీ భవన్లో ఏర్పాటు చేసిన సమావేశానికి హాజరై మాట్లాడారు. గత 24 సంవత్సరాలుగా గిరిజన ఆశ్రమ స్కూళ్లలో 2100 కాంట్రాక్ట్ టీచర్లు, గిరిజన సంక్షేమ గురుకులాల్లో 491 మంది కాంట్రాక్టు, బోధినేతర ఉద్యోగులు, 94 మంది గిరిజన సహకార సంస్థలో కాంట్రాక్ట్ ఉద్యోగులుగా సేవలందిస్తున్నారని, వారిని రెగ్యులర్ చేయాలని ఈనెల 29న హైదరాబాద్లోని సుందరయ్య విజ్ఞాన కేంద్రంలో జరిగే సదస్సును సక్సెస్ చేయాలని పిలుపునిచ్చారు.
కాంట్రాక్ట్ ఉద్యోగులను రెగ్యులర్ చేసిన తర్వాతే గిరిజన శాఖలో నోటిఫికేషన్ విడుదల చేయాలని ప్రభుత్వాన్ని కోరారు. సమావేశంలో ఆదివాసీ హక్కుల పోరాట సమితి రాష్ట్ర ఉపాధ్యక్షుడు బత్తుల ఎర్రయ్య , కాంట్రాక్ట్ ఉపాధ్యాయులు సంఘం జిల్లా అధ్యక్షుడు కొమురెల్లి శంకర్, ప్రధాన కార్యదర్శి జర్పుల విజేశ్, అత్రం పెంటయ్య, శంకర్ దేవ్ తదితరులు
పాల్గొన్నారు.
