- బిల్లులు రావడంలేదన్న కాంట్రాక్టర్
- తాళం వేయడంపై కలెక్టర్ సీరియస్
- కాంట్రాక్టర్పై చర్యలు తీసుకోవాలని ఆదేశం
కామారెడ్డి, వెలుగు: ‘మన ఊరు.. మన బడి’ పోగ్రాంలో నిర్మించిన క్లాస్ రూమ్స్బిల్లులు మంజూరుకాకపోవడంతో ఓ క్లాస్ రూమ్కు కాంట్రాక్టర్ తాళం వేశాడు. ఈ ఘటన కామారెడ్డి జిల్లా చిన్నమల్లారెడ్డిలో జరిగింది. స్థానికుల సమాచారం ప్రకారం.. కామారెడ్డి మండలం చిన్నమల్లారెడ్డి ప్రైమరీ స్కూల్లో ‘మన ఊరు..మన బడి’ పోగ్రాంలో నాలుగు క్లాస్ రూమ్స్ నిర్మాణం చేపట్టారు. ఇంకా ఫ్లోరింగ్, రంగులువేయాల్సి ఉంది.
క్లాస్ రూమ్స్ తక్కువగా ఉండటంతో కొత్తగానిర్మించిన ఒక రూమ్ వినియోగిస్తున్నారు. పనులు చేపట్టి నెలలు గడుస్తున్నా తనకు బిల్స్ మంజూరు కావడం లేదని కాంట్రాక్టర్ నిఖిల్ రావు బుధవారం సాయంత్రం ఆ రూమ్కు తాళం వేశాడు. గురువారం ఉదయం స్కూల్ వచ్చిన స్టూడెంట్స్క్లాస్ రూమ్కు తాళం వేసి ఉందని తల్లిదండ్రులకు చెప్పారు. కాంట్రాక్టర్తో మాట్లాడిన గ్రామస్తులు తనకు బిల్స్ రానందున తాళం వేసినట్లు చెప్పాడు. గ్రామస్తులు నచ్చజెప్పడంతో అతడు తాళం చెవిని తిరిగి టీచర్లకు అప్పగించాడు.
క్లాస్ రూమ్కు తాళం వేసిన విషయాన్ని కలెక్టర్ ఆశిశ్ సంగ్వాన్ సీరియస్గా తీసుకున్నారు. కాంట్రాక్టర్పై పోలీస్ స్టేషన్లో ఫిర్యాదు చేయాలని డీఈవో రాజును ఆదేశించారు. హెచ్ఎం హన్మండ్లు దేవునిపల్లి ఫిర్యాదు మేరకు కాంట్రాక్టర్ నిఖిల్రావుపై కేసు నమోదు చేసినట్లు ఎస్ఐ రాజు తెలిపారు.
