- పోలీస్ స్టేషన్కు చేరిన పంచాది
మంచిర్యాల, వెలుగు : మంచిర్యాలలోని పాత, కొత్త ఆటో యూనియన్ల మధ్య వివాదం తలెత్తింది. ఈ పంచాది పోలీస్స్టేషన్కు చేరింది. జిల్లాలో 20 ఏండ్ల కిందట ఆటో డ్రైవర్స్ అండ్ ఓనర్స్ అసోసియేషన్ ఏర్పాటైంది. అప్పటి నుంచి ఇదే యూనియన్ఆధ్వర్యంలో ఆటో కార్మికులు కొనసాగుతున్నారు. రెండేండ్లకు ఒకసారి జిల్లా, మండల, పట్టణ కమిటీలను ఎన్నుకుంటున్నారు. ఇటీవల ఈ యూనియన్కు చెందిన కొంతమంది నాయకులు వేరే యూనియన్ ఏర్పాటు చేసుకున్నారు. దీనికి మంచిర్యాల కాంగ్రెస్టౌన్ ప్రెసిడెంట్ తూముల నరేశ్ను జిల్లా అధ్యక్షుడిగా ఎన్నుకున్నారు.
అలాగే టౌన్కమిటీని వేశారు. ఇదిలా ఉండగా, ఆటో డ్రైవర్స్ అండ్ ఓనర్స్ అసోసియేషన్ నాయకులు మంచిర్యాల టౌన్ నూతన కమిటీ ఎన్నిక కోసం ఎన్నికలు నిర్వహించడానికి సిద్ధమయ్యారు. ఈ క్రమంలో గురువారం మంచిర్యాల ఏసీపీ ఆర్ప్రకాశ్, టౌన్ సీఐ బన్సీలాల్సదరు యూనియన్ నాయకులను పోలీస్ స్టేషన్కు పిలిచి ఎన్నికల ప్రయత్నాలను మానుకోవాలని సూచించినట్టు పొట్ట మధుకర్ తెలిపారు. తమ యూనియన్ ఇరవై ఏండ్లుగా ఆటో కార్మికుల సమస్యలు, హక్కుల కోసం పోరాడుతోందని పోలీసుల తీరుపై ఆయన ఆవేదన వ్యక్తం చేశారు.
