- రంగారెడ్డి కోర్టు తీర్పును సమర్థించిన హైకోర్టు
- ఐదేండ్ల బాలికను పొదల్లోకి తీసుకువెళ్లి అత్యాచారం, హత్యచేసిన వలస కార్మికుడు
- 2017లో నార్సింగిలో ఘటన
హైదరాబాద్, వెలుగు: నగరంలోని నార్సింగిలో ఐదేండ్ల బాలికపై అత్యాచారం, హత్య కేసులో దోషికి హైకోర్టు ఉరిశిక్ష విధించింది. 2017లో నార్సింగిలో చిన్నారిపై సెంట్రింగ్ కార్మికుడు దినేశ్ కుమార్ కిరాతకానికి పాల్పడిన ఘటన అప్పట్లో సంచలనం రేపింది. ఈ కేసులో నిందితుడికి రంగారెడ్డి కోర్టు 2021లో ఉరిశిక్ష విధించగా.. ఆ తీర్పును అతడు హైకోర్టులో సవాల్ చేశాడు.
అతడి పిటిషన్‌‌‌‌పై విచారణ జరిపిన హైకోర్టు.. కింది కోర్టు తీర్పును సమర్థించింది. ఉరి శిక్షను సవాల్ చేస్తూ దినేశ్కుమార్ దాఖలు చేసిన అప్పీల్ను డిస్మిస్‌ చేసింది. తెలుగు రాష్ట్రాల్లో కింది కోర్టు విధించిన ఉరి శిక్షను హైకోర్టు ఖరారు చేసిన తొలి కేసు ఇదే కావడం విశేషం. తెలుగు రాష్ట్రాల్లోనే తొలిసారి ఉరిశిక్షను ఆమోదించిన కేసు కూడా ఇదే.
చాక్లెట్కొనిస్తానని ఆశచూపి..
మధ్యప్రదేశ్రాష్ట్రం కలిమతి గ్రామానికి చెందిన దినేశ్కుమార్(23) హైదరాబాద్కు వలస వచ్చి, అల్కపురిటౌన్షిప్ సమీపంలోని ఆర్యమిత్ర లేబర్ క్యాంప్లో నివాసం ఉంటూ సెంట్రింగ్ వర్క్ చేస్తున్నాడు. 2017 డిసెంబర్ 12న సమీపంలో నివాసం ఉండే ఓ బాలిక(5)కు దినేశ్కుమార్చాక్లెట్కొనిస్తానని ఆశచూపాడు. మధ్యాహ్నం ఒంటి గంట సమయంలో నార్సింగిలోని షిర్డీ సాయి ప్రేమ్సమాజ్హాస్పిటల్సమీపంలోని చెట్ల పొదల్లోకి తీసుకెళ్లి, అత్యాచారం చేశాడు.
అనంతరం ఆమెను హత్యచేశాడు. బాలిక కనిపించకపోవడంతో ఆమె తల్లిదండ్రులు నార్సింగి పోలీసులకు ఫిర్యాదు చేశారు. పోలీసులు కేసు నమోదు చేసుకొని, దర్యాప్తు ప్రారంభించారు. దినేశ్కుమార్పై అనుమానంతో అదుపులోకి తీసుకొని విచారించగా, బాలికను రేప్ చేసి చంపేసినట్లు ఒప్పుకున్నాడు. దీంతో దినేశ్కుమార్ను అరెస్ట్ చేసి, రిమాండ్కు తరలించారు.ఈ కేసులో సైంటిఫిక్ ఎవిడెన్స్కలెక్ట్ చేసిన నార్సింగి పోలీసులు 90 రోజుల్లో కోర్టులో చార్జ్షీట్ ఫైల్ చేశారు. దీంతో రంగారెడ్డి జిల్లా కోర్టు నిందితుడు దినేశ్కుమార్కు ఉరిశిక్ష విధించింది. ఈ తీర్పును సవాల్ చేస్తూ దినేశ్ హైకోర్టును ఆశ్రయించాడు. ఈ కేసును విచారించిన హైకోర్టు నిందితుడు వేసిన పిటిషన్ను కొట్టివేసి, మరణశిక్ష విధిస్తూ తీర్పు వెల్లడించింది.
