హైదరాబాద్, వెలుగు: ప్రాథమిక సహకార సంఘాలసభ్యుల పదవీకాలాన్ని మరో 6 నెలలు పొడిగిస్తూ ప్రభుత్వం నిర్ణయం తీసుకుంది. ఈ మేరకు శుక్రవారం సహకారశాఖ కమిషనర్ జీవో రిలీజ్ చేశారు. రాష్ట్రంలోని 904 ప్రాథమిక వ్యవసాయ సహకార పరపతి సంఘాలకు 2020 ఫిబ్రవరి 15న ఎన్నికలు జరిగాయి.
శుక్రవారానికి ఒక్క సంగెం ప్యాక్స్ మినహా అన్ని ప్యాక్స్సభ్యుల పదవీకాలం ముగిసింది. అదేవిధంగా రాష్ట్రంలో ఉన్న 9 డీసీసీబీ పదవీకాలం కూడా ఈ నెల 24న ముగుస్తున్నది. అంతేగాక, టీజీకాబ్ కమిటీ సభ్యుల పదవీకాలం మార్చి 4తో ముగియనుంది. ఈ నేపథ్యంలో గడువును మరో 6నెలల పాటు కానీ.. లేదా అప్పటిలోగా ప్రభుత్వం నిర్ణయం మేరకు కానీ పొడిగిస్తూ నిర్ణయం తీసుకున్నట్లు మంత్రి తుమ్మల ఒక ప్రకటనలో పేర్కొన్నారు.
