న్యూఢిల్లీ : దేశంలో నిన్నటితో పోల్చితే కరోనా కేసులు భారీగా పెరిగాయి. గడిచిన 24 గంటల్లో దేశవ్యాప్తంగా 42 వేల 15 మంది కొత్తగా కరోనా బారిన పడ్డారు. దీంతో మొత్తం బాధితుల సంఖ్య 3 కోట్ల 12 లక్షల 16 వేల 337కు పెరిగింది. కొత్తగా కరోనాతో 489 మంది చనిపోయారు. ఇక మహారాష్ట్ర రివైజ్డ్ డేటా ఇవ్వడంతో మరణాల సంఖ్య భారీగా పెరిగింది. మరో 3 వేల 509 మంది కరోనాతో మరణించినట్లు గుర్తించామని తెలిపింది. దీంతో మొత్తం కరోనా మరణాల సంఖ్య 4 లక్షల 18 వేలు దాటింది. ప్రస్తుతం దేశంలో 4 లక్షల 7 వేల 170 యాక్టివ్ కేసులున్నాయి. దేశవ్యాప్తంగా ఇప్పటి వరకూ 3 కోట్ల 3 లక్షల 90 వేల 687 మంది కరోనా నుంచి కోలుకున్నారు. డెయిలీ పాజిటివిటీ రేటు వరుసగా 30వ రోజు 3 శాతం కన్నా తక్కువగా నమోదైంది. ప్రస్తుతం 2.27 శాతం గా ఉంది. ఇక ఇప్పటివరకూ 41 కోట్ల 54 లక్షల 72 వేల 455 వ్యాక్సిన్ డోసులు పంపిణీ చేసినట్లు కేంద్రం స్పష్టం చేసింది.
