సోషల్ మీడియాలో ఒక జంటకు సంబంధించిన వీడియో తెగ వైరల్ అవుతోంది. ఓపెన్ సన్రూఫ్ ఉన్న కారులో నిలబడి రాత్రి సమయంలో తాగుతూ ఓ జంట నడిరోడ్డుపై నానా రచ్చ చేసింది. ఈ వీడియో నెట్టింట్ వైరల్ అయింది. ఈ వీడియో పోలీసుల కంట పడటంతో ఆ జంట తిక్క కుదిరింది. ఇద్దరిని అరెస్ట్ చేశారు. ఈ ఘటన తమిళనాడులోని చెన్నై నగరంలో తాంబరం-పల్లవరం రోడ్డులో జరిగింది.
ఈ ఇద్దరిలో ఆ యువకుడు లా స్టూడెంట్ కావడం కొసమెరుపు. ఆ యువతి అతని గర్ల్ ఫ్రెండ్. తాగిన మత్తులో కారు నడుపుతూ.. రచ్చ చేస్తూ ఈ ఓవరాక్షన్ చేసినట్లు పోలీసుల విచారణలో తేలింది. యువకుడిని సంజయ్గా, ఆ యువతిని అతని గర్ల్ ఫ్రెండ్ వీణగా పోలీసులు గుర్తించారు. నిర్లక్ష్యంగా డ్రైవింగ్ చేసి రోడ్డు భద్రతా నిబంధనలను అతిక్రమించినందుకు ఈ ఇద్దరిని అరెస్ట్ చేశారు.
A couple was arrested by Tambaram police for causing a disturbance on GST Road in Chennai. The pair was spotted opening the sunroof of their car and drinking alcohol in public, leading to their apprehension.#Chennai #Alcohol #Viral #LokmatTimes pic.twitter.com/5sJQX4YTg8
— Lokmat Times (@lokmattimeseng) August 5, 2024
కారు నంబర్ ప్లేట్ ఆధారంగా కారును ట్రేస్ చేసి సీజ్ చేశారు. చేతిలో మందు బాటిల్తో కారు రూఫ్పై నిల్చుని కొద్దిసేపు ముచ్చట్లు పెడుతూ.. తాగుతూ ఈ జంట వీడియోలో కనిపించారు. చెన్నైలోని బిజీ రోడ్లలో ఈ తరహా చర్యలకు పాల్పడితే ఇతరులకు ఇబ్బంది కలుగుతుందన్న ఇంగిత జ్ఞానం మరచి యువతీయువకుడు ప్రవర్తించడంపై నెటిజన్లు మండిపడుతున్నారు.
