హైదరాబాద్: సైబరాబాద్ కమిషనరేట్ పరిధిలో గంజాయి, డ్రగ్స్ అనే మాట వినబడకూడదని సైబరాబాద్ పోలీస్ కమిషనర్ అవినాష్ మహంతి అన్నారు. బుధవారం (నవంబర్ 6) రాత్రి సైబరాబాద్ కమిషనరేట్ పరిధిలోని అత్తాపూర్ పోలీస్ స్టేషన్లో సీపీ ఆకస్మిక తనిఖీలు చేశారు. ఈ సంరద్భంగా పోలీస్ స్టేషన్లోని పలు ఫైల్లను పరిశీలించిన సీపీ మహంతి.. కేసుల విషయాలు, పెండింగ్‌లో ఉన్న కేసుల విషయంపై ఆరా తీశారు. శాంతి భద్రతల విషయంలో సిబ్బందితో చర్చించారు. పోలీస్ స్టేషన్ శుభ్రంగా పెట్టుకోవాలని సిబ్బందికి సూచించారు. పోలీస్ స్టేషన్కు కంప్లైంట్ ఇవ్వడానికి వచ్చిన వారితో మర్యాదగా మాట్లాడి వివరాలు తీసుకోవాలని ఆదేశించారు.
