ఏప్రిల్ 6న శ్రీరామనవమి శోభాయాత్ర ఉన్నందన కోఆర్డినేషన్ మీటింగ్ నిర్వహించారు సీపీ సీవీ ఆనంద్. శోభా యాత్రను శాంతియుతంగా, సంతోషంగా జరుపుకోవాలని సూచించారు. సీతారాంభాగ్ నుంచి శ్రీరామ నవమి శోభాయాత్ర ప్రారంభం అవుతుందని, నిర్వాహకులు మధ్యాహ్నం ఒంటి గంట లోపే శోభాయాత్ర ప్రారంభం అయ్యేలా చూడాలని సూచించారు. మొత్తం 18 వేల మంది పోలీసులు బందోబస్తో లో ఉంటారని, షీ టీమ్స్ పర్యవేక్షణ కూడా ఉంటుందని చెప్పారు. ఈ సందర్భంగా శోభాయాత్రలో పాటించాల్సిన నిబంధనలు, తీసుకోవాల్సిన అనుమతుల గురించి వివరించారు.
సీపీ సీవీ ఆనంద్ సూచనలు:
- శోభాయాత్ర పర్యవేక్షణలో 18వేల మంది పోలీసులు బందోబస్త్ లో ఉంటారు.
- శోభాయాత్ర దారులు చిన్నగా ఉంటాయి భారీ టస్కర్ వాహనాలు వెళ్లే అవకాశం ఉండదు.
- అందుకే టస్కర్ వాహనంతో ముందు ట్రయల్స్ నిర్వహించాలి.
- విగ్రహాల ఎత్తు చిన్నగా ఉండేలా చూసుకోవాలి.
- డ్రోన్స్ ఎగురవేయాలి అనుకుంటే ముందుగా సమాచారం ఇవ్వాలి.
- డీజే సౌండ్ వల్ల అనర్థాలు ఎక్కువగా జరుగుతున్నాయి.. సౌండ్స్ తక్కువగా ఉండేలా చూడాలి
- శోభాయాత్రలో పెద్దపెద్ద డీజే శబ్దాలు లేకుండా నిర్వాహకులు జాగ్రత్తలు తీసుకోవాలి.
- శోభాయాత్రలో పాటలు వేరే వర్గాలను కించ పరిచేలా ఉండకూడదు.
- శోభాయాత్రలో ఇబ్బంది లేకుండా రోడ్డుకు ఇరువైపులా డయాస్‌లు వేసుకోవాలి.
- జాయింట్ కంట్రోల్ రూమ్ ఐసీసీసీ లో ఏర్పాటు చేసి శోభాయాత్ర తీరును పర్యవేక్షిస్తాము.
- ఇరవై నాలుగు గంటలు కరెంట్, బ్యాక్ అప్ కోసం జనరేటర్ లు ఏర్పాటు చేస్తాము.
- ఆర్టీసీ నుండి డ్రైవర్లు, కండక్టర్లు అందుబాటులో ఉంటారు .
- ప్రసాదాల వితరణ కేంద్రాలు శోభాయాత్రకు అడ్డు లేకుండా ఏర్పాటు చేసుకోవాలి
- శోభయాత్రలో షీ టీమ్స్ ను యాక్టివ్ చేస్తున్నాము.
- క్రౌడ్ ఎక్కువగా ఉంటే చైన్ స్నాచింగ్, చోరీలు జరిగే అవకాశం ఉంది.
- అలాంటి వాటిపై కూడా ఫోకస్ పెట్టాము.
- శోభాయాత్రకు ఎలాంటి ఇబ్బందులు లేకుండా విజయవంతం చేయడానికి అన్ని ప్రభుత్వ విభాగాలు చర్యలు తీసుకోవాలి.
