హైదరాబాద్, వెలుగు: పార్లమెంట్ ఎన్నికల్లో ఇండియా కూటమిదే నైతిక విజయం అని సీపీఐ జాతీయ కార్యదర్శి నారాయణ ఒక ప్రకటనలో తెలిపారు. ఒకవేళ ఎన్డీఏ ప్రభుత్వాన్ని ఏర్పాటు చేసినా.. ఆ సర్కారు ఇష్టానుసారంగా వ్యవహరించకుండా అడ్డుకునేందుకు కావాల్సినన్ని సీట్లు కాంగ్రెస్కు వచ్చాయన్నారు. టీడీపీ చీఫ్ చంద్రబాబు ఎన్ డీఏ కూటమి నుంచి బయటకు వచ్చి, ఇండియా కూటమికి మద్దతు ఇవ్వాలని సీపీఐ నేత కూనంనేని సాంబశివరావు కోరారు. సీపీఐ స్టేట్ ఆఫీసులో ఆయన మాట్లాడుతూ బీజేపీ అభ్యర్థులు అసెంబ్లీ ఎన్నికల్లో ఓడిపోవడంతోనే సానుభూతి కలిసి వచ్చి గెలిచారన్నారు.
