- ప్రజాస్వామ్య బద్దంగా భూ సేకరణ జరగడం లేదు
- దీనిపై అఖలపక్ష సమావేశం పెట్టండి
హైదరాబాద్: ఫార్మాసిటీకి సంబంధించి లగచర్లలో భూ సేకరణ ప్రజాస్వామ్య బద్దంగా జరగడం లేదని, దీనిపై అఖలపక్ష సమావేశం పెట్టాలని సీపీఎం రాష్ట్ర కార్యదర్శి తమ్మినేని వీరభద్రం అన్నారు. ఇవాళ మీడియాతో ఆయన మాట్లాడారు.. ప్రభుత్వం ఏకపక్షంగా భూ సేకరణ చేయాలని చూస్తోందన్నారు. ‘ ఎన్నికల సమయంలో ఫార్మా సిటీ రద్దు చేస్తామని సీఎం రేవంత్ అన్నారు. జిల్లా కలెక్టర్ మీద జరిగిన దాడి తర్వాత లగచర్ల జైలు లాగా అయిపోయిందని అన్నారు.
ALSO READ | ప్రభుత్వ ఆస్తుల్ని హైడ్రా రక్షిస్తుంది: హైడ్రా కమిషనర్ రంగనాథ్
ప్రతి పక్షాలను సంఘటన ప్రదేశానికి వెళ్లడానికి అనుమతి ఇవ్వడం లేదు. ఏకపక్ష నిర్ణయాలతో గత ప్రభుత్వాలు చాలా నష్ట పోయాయి. ఈ నెల 21 న లగచర్ల ప్రాంతానికి వెళ్తాం. తర్వాత అక్కడి పరిస్థితిపై సీఎం కి నివేదిక ఇస్తాం. ఫోర్త్ సిటీ కోసం కాంగ్రెస్ ప్రభుత్వం 30 వేల ఎకరాలను సేకరిస్తామని చెబుతుంది. హైడ్రా , మూసీ , గ్రూప్ 1 విషయంలో ప్రభుత్వం ఏకపక్షంగా నిర్ణయాలు తీసుకుంది. ’ అని తమ్మినేని అన్నారు.
