పంజాగుట్ట, వెలుగు: వక్ఫ్ సవరణ చట్టం ఎవరి కోసమని సీపీఐ జాతీయ కార్యవర్గ సభ్యుడు చాడ వెంకటరెడ్డి ప్రశ్నించారు. ఈ చట్టాన్ని కులమతాలకు అతీతంగా తిప్పి కొట్టాలని పలువురు రాజకీయ, ప్రజాసంఘాల నాయకులు, మేధావులు పిలుపు నిచ్చారు. రైతు ఉద్యమం తరహాలో మరో పోరాటానికి నాంది పలకాలన్నారు. సీపీఐ హైదరాబాద్ జిల్లా సమితి ఆధ్వర్యంలో శనివారం సోమాజిగూడ ప్రెస్క్లబ్లో ‘వక్ఫ్సవరణ చట్టం ఎవరి కోసం’ అనే అంశంపై రౌండ్టేబుల్ సమావేశం నిర్వహించారు.
సీపీఐ నేత కమతం యాదగిరి అధ్యక్షత వహించారు. చాడ వెంకట రెడ్డి మాట్లాడుతూ కేంద్రం తీసుకువచ్చిన వక్ఫ్బోర్డు సవరణ చట్టానికి వ్యతిరేకంగా సీపీఐ జాతీయ కార్యదర్శి డి.రాజా సుప్రీం కోర్టులో పిల్ దాఖలు చేశారని తెలిపారు. ఓ వైపు న్యాయ పోరాటం చేస్తూనే.. మరో వైపు ప్రజా ఉద్యమంతో కేంద్ర వైఖరిని ఎండగడతామన్నారు. వి.ఎస్.బోస్, నర్సింహ, మోటూరి కృష్ణప్రసాద్, ఎంబీటీ అధికార ప్రతినిధి అహ్మదుల్లా ఖాన్ తదితరులు పాల్గొని మాట్లాడారు.
