హైదరాబాద్, వెలుగు: సీపీఐ(ఎం) జాతీయ ప్రధాన కార్యదర్శి సీతారాం ఏచూరి మృతి తమకు తీరని లోటని సీపీఎం రాష్ట్ర కార్యదర్శి తమ్మినేని వీరభద్రం ఒక ప్రకటనలో పేర్కొన్నారు. సీపీఐ(ఎం) తెలంగాణ రాష్ట్ర కమిటీ ఆధ్వర్యంలో ఈ నెల 21న ఉదయం 11 గంటలకు హైదరాబాద్, బాగ్లింగంపల్లిలోని సుందరయ్య విజ్ఞాన కేంద్రంలో సీతారాం ఏచూరి సంస్మరణ సభ నిర్వహిస్తామని తెలిపారు.ఈ సంస్మరణ సభను జయప్రదం చేయాలని తమ్మినేని విజ్ఞప్తి చేశారు.
