ఐపీఎల్ తరువాత అతి పెద్ద ఫ్రాంచైజీ లీగ్‌గా పేరొందిన కరేబియన్ ప్రీమియర్ లీగ్ (CPL) మరికొన్ని గంటల్లో ప్రారంభం కానుంది. ఆరు జట్లు తలపడుతున్న ఈ టోర్నీ గురువారం(ఆగష్టు 29) నుండి షురూ కానుంది. డిఫెండింగ్ ఛాంపియన్ గయానా అమెజాన్ వారియర్స్ మరోసారి టైటిల్ ఫేవరెట్‌గా బరిలోకి దిగుతోంది.
విండీస్ క్రికెటర్లు ఆండ్రీ రస్సెల్, సునీల్ నరైన్, కీరన్ పొలార్డ్, నికోలస్ పూరన్, షెర్ఫాన్ రూథర్ ఫోర్డ్, షాయ్ హోప్ వంటి హిట్టర్లతో పాటు టిమ్ డేవిడ్, జాసన్ రాయ్, ఫఖర్ జమాన్, ఫాఫ్ డు ప్లెసిస్, రిలీ రోసౌ, అన్రిచ్ నోర్ట్జే వంటి పలువురు విదేశీ స్టార్లు ఈ టోర్నీలో సందడి చేయనున్నారు.
పాల్గొనే 6 జట్లు
- ఆంటిగ్వా & బార్బుడా ఫాల్కన్స్
- బార్బడోస్ రాయల్స్
- గయానా అమెజాన్ వారియర్స్
- ట్రిన్‌బాగో నైట్ రైడర్స్
- సెయింట్ లూసియా కింగ్స్
- సెయింట్ కిట్స్ & నెవిస్ పేట్రియాట్స్
లైవ్ స్ట్రీమింగ్ వివరాలు
కరేబియన్ ప్రీమియర్ లీగ్ మ్యాచ్ లి టీవీలో స్టార్ స్పోర్ట్స్ ఛానెల్లలో ప్రత్యక్ష ప్రసారం చేయబడతాయి. డిజిటల్ గా ఫ్యాన్‌ కోడ్ యాప్, వెబ్‌సైట్‌లో లైవ్ ఆస్వాదించవచ్చు.
సమయ వేళలు
ఆంటిగ్వా Vs సెయింట్ కిట్స్ మధ్య జరిగే ప్రారంభ మ్యాచ్ గురువారం తెల్లవారుజామున 4:30 గంటలకు ప్రారంభం కానుంది. ఇది రెగ్యులర్ సమయం. డబుల్ హెడ్డర్ మ్యాచ్‌లు ఉన్న రోజుల్లో ఉదయం 4:30 గంటలకు మొదటి మ్యాచ్.. రాత్రి 7:30 గంటలకు రెండో మ్యాచ్ ప్రారంభమవుతాయి.
